جاڭا جىلدىق كەيىپكەرلەردى ۇيگە شاقىرۋ قۇنى ءبىر جىلدا 20%-عا ءوستى.
ەگەر 2023 جىلى اياز اتا مەن ونىڭ نەمەرەسىنىڭ جارتى ساعاتتىق ساپارى ەل بويىنشا ورتاشا ەسەپپەن 10-نان 15 مىڭ تەڭگەگە دەيىن بولسا، بۇگىندە كۇنى مەن ساعاتىنا بايلانىستى 30 مينۋتتىق قويىلىمى 12 مىڭ تەڭگە تۇرادى، دەپ حابارلايدى aqshamnews.kz.
ءبىر قىزىعى، ەلىمىز بويىنشا بۇل باعا قۇبىلمالى. ماسەلەن، شىمكەنتتە بۇل قىزمەتتى 13 مىڭ تەڭگەگە رەسىمدەۋگە بولادى، ال قاراعاندىدا نەمەسە ورالداعى ەرتەگى كەيىپكەرلەرى 15 مىڭ تەڭگەسىز كەلمەيدى. قىزىلورداداعى اياز اتالاردىڭ قىزمەتى بولسا 10 مىڭ تەڭگەدەن اسپايدى.
بۇل ۋاقىتتا استانا مەن الماتىداعى جاڭا جىل اكتەرلارىنىڭ قالتاسى قامپايادى. مىسالى، الماتىدا مىنانداي ۇسىنىستار بار:
"VIP-اياز اتا! اياز اتانىڭ رەزيدەنسياسىنا ترانسفەر، اقشاقارمەن شاي ءىشۋ، ءتاتتى پيروگتار، سىيلىقتار بەرۋ، بەلسەندى ويىندار، بەينە جانە فوتوسەسسيا. بارلىعى 65 مىڭ تەڭگە، ەكىنشى جانە كەلەسى شاقىرىلىمدار ءۇشىن-35 مىڭ تەڭگە