2025 جىلدىڭ ساۋىرىنە دەيىن ارال تەڭىزىنە شامامەن 1،6 ملرد تەكشە مەتر سۋ جىبەرۋ جوسپارلانىپ وتىر.
بۇل تۋرالى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ مالىمدەدى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
مينيستر ازاماتتاردى قابىلداپ، ارال تەڭىزىن ساقتاۋ ماسەلەسى تۋرالى سۇراقتارعا جاۋاپ بەردى.
ايتا كەتەيىك، 2023 جىلدىڭ قازان ايىنان 2024 جىلعى ساۋىرگە دەيىن ارال تەڭىزىنە شامامەن 1،3 ملرد تەكشە مەتر، ال جىل باسىنان بەرى 2 ملرد تەكشە مەتر سۋ جىبەرىلدى.
سونداي-اق، سولتۇستىك ارال ماسەلەسى وسى ايدىڭ باسىندا تۇركىمەنستاندا وتكەن ورتالىق ازيانىڭ مەملەكەتارالىق سۋ شارۋاشىلىعىن ۇيلەستىرۋ كوميسسياسىنىڭ (مسشۇك) 87ء-شى وتىرىسىنىڭ كۇن تارتىبىندە بولدى.
«جىل باسىنان بەرى سولتۇستىك ارالعا شامامەن 2 ملرد تەكشە مەتر سۋ جىبەرىلدى. بۇگىنگى تاڭدا تەڭىزدەگى سۋدىڭ جالپى كولەمى 22 ملرد تەكشە مەترگە جەتتى. سۋ ديپلوماتياسى مەن ورتالىق ازياداعى ارىپتەستەرىمىزبەن تىعىز جۇمىستان بولەك، تەڭىزدى تولتىرۋدا سۋ ۇنەمدەۋ تەحنولوگيالارىن ەنگىزۋ دە ماڭىزدى ءرول اتقارادى. جاڭا تەحنولوگيالاردى ەنگىزۋدىڭ ناتيجەسىندە بيىل قىزىلوردا وبلىسىنىڭ شارۋالارى 200 ملن تەكشە مەترگە جۋىق سۋ ۇنەمدەدى. بۇل سۋ سولتۇستىك ارالعا جىبەرىلدى. ماسەلە وتە ماڭىزدى، ءبىز ونى جان-جاقتى قاراستىرىپ، ۇنەمى باقىلاۋدا ۇستايمىز»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
ەسكە سالا كەتەيىك، مينيستر تۇركىمەنستاندا وتكەن كورشى ەلدەرمەن كەلىسسوزدەر قورىتىندىسى بويىنشا 1ء-شى ساۋىرگە دەيىن شاردارا سۋ قويماسىنا 11 ملرد تەكشە مەتر سۋ جىبەرۋ تۋرالى كەلىسكەن بولاتىن. بۇل ەلىمىزدىڭ وڭتۇستىك ايماقتارىنا 2025 جىلعى سۋارۋ ماۋسىمى ءۇشىن قاجەتتى سۋ كولەمىن جيناۋعا مۇمكىندىك بەرەدى.