جايلىلىقتىڭ جاڭا ستاندارتتارى: ناۋرىزباي اۋدانىندا ۇزىندىعى 18 مەتر بولاتىن ايالداما كەشەندەرى ورناتىلۋدا، دەپ حابارلايدى Almaty-akshamy.kz
الماتىدا №7 قالالىق كلينيكالىق اۋرۋحانانىڭ الدىنداعى ايالداما جوندەلدى. بۇل ايالداما كەشەنى 2016 جىلدان بەرى جوندەلمەگەن جانە اعىمداعى جوندەۋ ناۋرىزباي اۋدانىنداعى ايالداما كەشەندەرىن ۇستاۋعا بولىنگەن بيۋدجەت قاراجاتى ەسەبىنەن جۇرگىزىلگەن.
ىڭعايلى ايالداما جوعارى ساپالى پەرگولا ستيلىندەگى ماتەريالداردان جاسالعان، ول لاندشافت ديزاينىندا ءجيى قولدانىلادى جانە ەكولوگيالىق تازا نوتالار مەن شىعىس ءمينيماليزمىن بىرىكتىرەدى. مەتالل ايالداما قۇرىلىمى اعاشپەن قاپتالعان. بارلىق اعاش ەلەمەنتتەر وتقا ءتوزىمدى، سۋ وتكىزبەيتىن جانە ارنايى قۇرالدارمەن جانە بوياۋ ماتەريالدارىمەن وڭدەلەدى. جۇمىستار اعاش وڭدەۋ ماماندارىنىڭ ۇسىنىستارىن ەسكەرە وتىرىپ جۇرگىزىلدى. ال ءاليۋمينييلى شاتىر قالا تۇرعىندارىن قولايسىز اۋا رايىنان قورعاۋعا ارنالعان. ايالداماعا ۇزىندىعى 18 مەتر بولاتىن ىڭعايلى ورىندىق قويىلعان. بۇل وسى ۋچاسكەدەگى جولاۋشىلار اعىنىنىڭ جوعارى بولۋىن ەسكەرە وتىرىپ جاسالدى. كەشەننىڭ قىزمەت ەتۋ مەرزىمى 10 جىلدان اسادى.
ايتا كەتەرلىگى، ناۋرىزباي اۋدانىندا بۇگىنگى تاڭدا 139 ايالداما پاۆيلونى بار. تاعى 6 ورناتۋ جوسپارلانۋدا. سونداي-اق، بارلىق ايالدامالارعا قىسقا مەرزىمدى جوندەۋ جۇرگىزىلىپ، شىنى قورشاۋلار ورناتىلادى. بارلىق ايالدامالاردا اتاۋى بار تاقتايشالار پايدا بولادى، ال كەيبىرەۋلەرىندە ۋرنالار جاڭارتىلادى - بارلىعى 100-گە جۋىق ۋرنا اۋىستىرىلادى.