19 جاستاعى اياجان ەدىلوۆانى اياۋسىز ولتىرگەن قىلمىسكەر 25 جىلعا باس بوستاندىعىنان ايىرىلدى، دەپ حابارلايدى اlmaty-akshamy.kz
الماتىداعى مامانداندىرىلعان اۋدانارالىق قىلمىستىق سوتىنىڭ سۋدياسى ەركىن مايشىنوۆ وسىنداي ۇكىم شىعاردى. بويجەتكەننىڭ ءومىرىن قيعان ادام قىلمىستىق كودەكستىڭ 120 جانە 99-بابى بويىنشا كىنالى دەپ تانىلدى.
ول جازاسىن قاۋىپسىزدىگى بارىنشا جوعارى مەكەمەدە وتەيتىن بولدى. جابىرلەنۋشى تاراپ سوتتالۋشىدان 26 ميلليارد 358 ميلليون تەڭگە مولشەرىندە مورالدىك زالال ءوندىرۋدى تالاپ ەتكەن ەكەن. سۋديا بۇل ارىزدى ءىشىنارا قانعاتتاندىرىپ، 20 ميلليون تەڭگە دەپ بەلگىلەدى.
ەستەرىڭىزگە سالا كەتەيىك، الماتى تۇرعىنى اياجان ەدىلوۆا بيىل 19 ناۋرىزدا جۇمىستان شىققان سوڭ جوعالىپ كەتەدى. بىرنەشە كۇننەن كەيىن كىسى قولىنان قازا تاپقانى انىقتالادى.