- بۇگىن # 327 سايلاۋ ۋچاسكەسىنە بارىپ، ءوز تاڭداۋىمدى جاساپ قايتتىم. بۇل كۇن ەلىمىز ءۇشىن دە، مەن ءۇشىن دە ەڭ ماڭىزدى، ەڭ شەشۋشى كۇن. كونستيتۋسياعا وزگەرىستەر مەن تولىقتىرۋلار ەنگىزىلىپ، ەلدىڭ بولاشاعى ءۇشىن ناقتى قادام جاسالىپ جاتىر. قازاق: "يەسىز جەر بولمايدى، كيەسىز ەل بولمايدى" دەيدى.
سول جەردىڭ يەسى حالىق بولسا، كيەسى اتا زاڭ ەكەنىن دالەلدەي تۇسكەندەي. بۇل ناقتى قادام كەلەشەكتەگى ەلىمىزدىڭ ءبىرتۇتاستىعىنىڭ ناقتى قادامى. اتا زاڭ حالىققا قىزمەت ەتسە، حالىق تا زاڭ الدىنداعى جاۋاپكەرشىلىگىن تەرەڭ تۇسىنەدى دەپ ءۇمىت ەتەمىن. بۇل كۇنى قالا تۇرعىندارى دۇرىس تاڭداۋ جاساپ، وزدەرىنە بەرىلگەن مۇمكىندىكتىڭ ۇدەسىنەن شىقتى دەپ ويلايمىن.