ادام اعزاسىنداعى سۋ جەتىسپۋشىلىك ءبىرقاتار ورگاندار مەن جۇيەلەردىڭ پروبلەمالارىنا اكەلۋى مۇمكىن.
رەسەيلىك ديەتولوگ ەلەنا سولوماتينا سۋدى از، ياعني جەتكىلىكسىز تۇتىنۋ سالدارى قانداي ەكەنىن جانە كۇنىنە قانداي مولشەردى سۇيىقتىق ءىشۋ كەرەكتىگىن ايتتى، دەپ حابارلايدى Almaty-akshamy.kz.
ماماننىڭ ايتۋىنشا، سۇيىقتىقتىڭ جەتىسپەۋشىلىگى ادامنىڭ مي بەلسەندىلىگىنە، جالپى جاعدايىنا جانە مىنەز-قۇلقىنا تەرىس اسەر ەتەدى. سونداي-اق، بۇيرەكتە تاستار پايدا بولۋى مۇمكىن، اسقازان-ىشەك، وكپە، باۋىر جانە باسقا ورگاندارمەن پروبلەمالار تۋىنداۋى مۇمكىن، تەرىنىڭ، شاشتىڭ جانە تىرناقتىڭ جاعدايى ناشارلايدى.
«اعزادا سۋ جەتكىلىكسىز بولعان كەزدە، ول ونى ۇنەمدەي باستايدى. مۇنىڭ ناتيجەسى قان قىسىمىنىڭ جوعارىلاۋىنا، ارتىق سالماقتىڭ كوبەيۋىنە جانە سالماقتاستاۋدىڭ قيىنداي تۇسۋىنە اكەلەدى»، – دەپ تولىقتىردى سولوماتينا.
سونداي-اق ول ادامعا كۇنىنە كەمىندە ەكى ليتر سۋ ءىشۋ كەرەك دەگەن اڭىزدى جوققا شىعاردى. ونىڭ ايتۋىنشا، سۇيىقتىقتى تۇتىنۋ نورماسى اركىم ءۇشىن ءار ءتۇرلى. ونىڭ مولشەرىن قاراپايىم فورمۋلا بويىنشا ەسەپتەۋگە بولادى – 1 كگ سالماققا شامامەن 30 مل-دەن كەلەدى.
دارىگەر سۋدى بىرتىندەپ ءىشۋ ماڭىزدى ەكەنىن اتاپ ءوتتى. ياعني، ادام ونى كۇنى بويى سۋدى ىشپەي، ەسىنە تۇسكەندە بىردەن ءبىر ءليتردى ىشسە، بۇل اعزاعا، سونىڭ ىشىندە ءزار شىعارۋ جۇيەسىنە قاجەتسىز جۇكتەمە تۋدىرادى. ونىڭ ورنىنا ءار 20 مينۋت سايىن ەكى-ۇش جۇتىم ىشكەن ءجون.
سونىمەن قاتار، سولوماتينا سۋدان باسقا اعزاداعى سۇيىقتىقتىڭ بارلىعى سۋدىڭ ورنىن تولتىرا بەرمەيتىنىن اتاپ ءوتتى. مىسالى، كوفە، شاي جانە سىرا ءىشۋ اعزانىڭ سۋسىزدانۋىنا اكەلەدى.