تجد مالىمەتىنشە، 11 ساۋىردە اتباسار قالاسىندا ساعات 4.58-دە جاباي وزەنىنىڭ توگىلۋى ورىن الدى.
"بارلىق ەسكەرتۋ جۇيەلەرى دەرەۋ ىسكە قوسىلدى. حالىقتى ەۆاكۋاسيالاۋ، سونداي-اق وبەكتىلەر مەن تۇرعىن ۇيلەردى قورعاۋ بويىنشا ءىس-شارالار جۇرگىزىلۋدە. قازىرگى ۋاقىتتا موتوپومپالاردىڭ كومەگىمەن ەرىگەن سۋدى سورۋ جۇمىستارى جۇرگىزىلۋدە."ق ر تجم باسپا ءسوز قىزمەتى
وقيعا ورنىندا ازاماتتىق قورعاۋدىڭ مەملەكەتتىك جۇيەسىنىڭ 400-دەن استام ادامى مەن 100 بىرلىك تەحنيكاسى جۇمىلدىرىلدى.
وڭىردەگى توتەنشە جاعدايلار دەپارتامەنتى باسپا ءسوز قىزمەتى قالا كوشەلەرىنىڭ بىرىنەن بەينەجازبا جاريالادى.
اتباسار اۋدانىنىڭ اكىمى امانبەك قالجانوۆ ۇندەۋ جولداپ تۇرعىنداردان دۇربەلەڭگە تۇسپەۋىن ءوتىندى.
"سۋدىڭ كۇرت وسۋىنە بايلانىستى جاباي وزەنىنە جاقىن التى ۋچاسكەدە سۋ تاسقىنى بولدى. سۋ تاسقىنى ءقاۋپى بار ايماقتاردىڭ تۇرعىندارى تۇرعىن ۇيلەردەن ءقاۋىپسىز ايماققا كەتۋى كەرەك. اۋداندا توتەنشە جاعداي رەجيمى جاريالاندى. بارلىق تۇرعىنداردان دۇربەلەڭگە تۇسپەۋىن سۇرايمىن. قالادا ەۆاكۋاسيالاۋ پۋنكتتەرى ۇيىمداستىرىلعان. زارداپ شەككەندەرگە زالال وتەلەدى. مەنىڭ باسشىلىعىممەن جەدەل شتاب قۇرىلدى".امانبەك قالجانوۆ