مۇنداي مالىمەتتەردى الماتى قالاسىنىڭ كوشى-قون قىزمەتى بەس ايدىڭ قورىتىندىسى بويىنشا كەلتىرىپ وتىر.
بولىمشەنىڭ مالىمەتىنشە، جىل باسىنان بەرى افريكا ەلدەرىنىڭ 64 ازاماتى ۇستالدى، ونىڭ ىشىندە 55 نيگەريا، 5 كامەرۋن، 2 وڭتۇستىك افريكا جانە كوت-د’يۆۋار مەن سەررا-لەونە ءبىر-بىر ازاماتى.
«ولاردىڭ 12ء-سى سوت شەشىمىمەن قازاقستان رەسپۋبليكاسىنان شىعارىلدى. تاجىريبە كورسەتكەندەي، افريكا قۇرلىعى ەلدەرى ازاماتتارىنىڭ كوپشىلىگى قازاقستانعا تۋريستىك، جۇمىس نەمەسە وقۋ ۆيزالارىمەن كەلەدى. الايدا ولاردىڭ ءبىرازى ۋاقىتىندا كەتپەي، قازاقستان رەسپۋبليكاسىنىڭ كوشى-قون زاڭناماسىن بۇزىپ وتىر. ايتپاقشى، الماتىدا وتكەن رەسپۋبليكالىق “نەلەگال” ءىس-شاراسى كۇندەرىندە شەتەلدىكتەردى شاقىرۋشى تاراپ قىزمەتىن اتقارىپ، قوناقتاردىڭ ءوز ەلىنە دەر كەزىندە كەتۋىن قامتاماسىز ەتپەگەن 5 فيرما انىقتالدى. بۇل زاڭدى تۇلعالار ق ر اقبتك-نىڭ 518-بابى بويىنشا جاۋاپكەرشىلىككە تارتىلدى. تاعى ءبىر جەكە كاسىپكەر وسىنداي زاڭ بۇزۋشىلىقتىڭ قايتالانۋىنا بايلانىستى شەتەل ازاماتتارىن شاقىرۋ ليسەنزياسىنان ايىرىلدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونىمەن قاتار ءىس-شارا كۇندەرىندە شەتەلدىك جۇمىس كۇشىن قايتا تارتۋدىڭ 2 دەرەگى انىقتالدى جانە جولى كەسىلدى.