ۇلتتىق يادرولىق ورتالىقتىڭ باس ديرەكتورى ەرلان باتىربەكوۆ اتوم ەلەكتر ستانسياسىنىڭ بالقاش كولىنە كەرى اسەرى جوق ەكەنىن مالىمدەدى
ق ر ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ قازاقستاندا اتوم ەلەكتر ستانسياسى سالىنعان جاعدايدا بالقاش كولىنە تەرىس اسەر ەتپەيتىنىن مالىمدەدى.
ول سونداي-اق اتوم ەلەكتر ستانسيالارىنىڭ قاۋىپسىزدىگى ماسەلەلەرىن قوزعادى. ونىڭ ايتۋىنشا، 1950-1960 جىلدارى سالىنعان العاشقى اتوم ەلەكتر ستانسيالارىندا قاۋىپسىزدىك جۇيەسى ناشار بولعان.
"بۇل رەاكتورلاردىڭ نەگىزگى مىندەتى اتوم ەنەرگياسىن ەلەكتر ەنەرگياسىنا اينالدىرۋدىڭ نەگىزگى مۇمكىندىگىن كورسەتۋ. ەكىنشى بۋىن ستانسيالارىنىڭ – 1970-1980 ج.ج. قاۋىپسىزدىك جۇيەسىنىڭ دەڭگەيى تومەن. ءبىرقاتار اپاتتاردان كەيىن عالىمدار اتوم ەلەكتر ستانسياسىنىڭ قاۋىپسىزدىگىن قامتاماسىز ەتۋگە نازار اۋداردى. وسىلايشا ءۇشىنشى بۋىن رەاكتورلارى پايدا بولدى، ولاردا وتكەن قاتەلىكتەر ەسكەرىلىپ وتىر"، — دەپ اتاپ ءوتتى ەرلان باتىربەكوۆ.
ءتورتىنشى بۋىن رەاكتورلارى تۇيىق وتىن سيكلىن شەشىپ، ەنەرگەتيكالىق بازانى كەڭەيتىپ، مۇلدەم ءقاۋىپسىز بولۋى كەرەك، دەپ قوستى ول.