اەس تەك ەنەرگيا كوزى ەمەس، ول – اۋىلىمىزدى قايتا جانداندىرۋدىڭ جولى

قىمبات ءىلياسوۆا، ۇلكەن اۋىلىنىڭ تۇرعىنى:

اەس تەك ەنەرگيا كوزى ەمەس، ول – اۋىلىمىزدى قايتا جانداندىرۋدىڭ جولى ۇلكەن اۋىلىنىڭ باستى ماسەلەلەرىن وسى جەردە تۇراتىن حالىقتان ارتىق ەشكىم بىلمەيدى. اتوم ەلەكتر ستانسياسىن سالامىز دەگەن جاڭالىقتى ەستىگەننەن بەرى اۋىل تۇرعىندارى بۇل باستامانى قولداپ، ستانسيا قۇرىلىسى تەزىرەك باستالسا ەكەن دەپ كۇتىپ وتىر. سەبەبى، اەس سالۋ تەك ۇلكەننىڭ عانا ەمەس، بۇكىل ەلدىڭ ەنەرگەتيكالىق تاۋەلسىزدىگىنە جول اشادى دەپ سەنەمىز. ەنەرگيا تاپشىلىعى جىلدان جىلعا ارتىپ كەلەدى، ال اتوم ەنەرگەتيكاسى وسى ماسەلەنى شەشۋدىڭ ەڭ ءتيىمدى جولدارىنىڭ ءبىرى بولماق.

ءقازىر الەم بويىنشا 27 مەملەكەت اەس سالۋدى جوسپارلاپ وتىر، ونىڭ ىشىندە 17 مەملەكەت ناقتى شەشىم قابىلدادى. سونىڭ ىشىندە قازاقستاننىڭ دا بولۋى ءبىزدى قۋانتادى. بۇل ءبىزدىڭ بولاشاعىمىزعا جاسالعان ۇلكەن قادام. ويتكەنى، اەس تەك ەنەرگيا كوزى عانا ەمەس، ەلدىڭ ەكونوميكالىق جانە ونەركاسىپتىك دامۋىنا دا زور ىقپال ەتەدى.
اەس تەك ەنەرگيا كوزى ەمەس، ول – اۋىلىمىزدى قايتا جانداندىرۋدىڭ جولى. اۋىلدا جۇمىس جوق، جاستار ۇلكەن قالالارعا كەتىپ جاتىر. ال اەس سالىناتىن بولسا، ۇلكەن اۋىلى قايتا جاندانىپ، تۇرعىندار تۇراقتايدى. ءبىز بولاشاعىمىزدى وسى جوبامەن بايلانىستىرامىز، سەبەبى اۋىلىمىزعا تۇراقتىلىق پەن دامۋ قاجەت. اۋىل تۇرعىندارى ۇلكەننىڭ بولاشاعى ءۇشىن اتوم ەلەكتر ستانسياسى سياقتى ءىرى جوبالاردىڭ ماڭىزى زور ەكەندىگىن تۇسىنەدى جانە بۇل باستامانى ءبىراۋىزدان قولداپ وتىر.