ق ر ەنەرگەتيكا مينيسترلىگى يادرولىق فيزيكا ينستيتۋتىنىڭ يادرولىق فيزيكا ءبولىمىنىڭ باستىعى تيمۋر جولدىبايەۆ جىل سوڭىنا دەيىن قازاقستاندا اەس سالۋ تۋرالى رەفەرەندۋم وتكىزۋ جوسپارلانىپ وتىرعانىن ايتتى.
«قازاقستاندا ەنەرگەتيكالىق اتوم ەلەكتر ستانسياسىن سالۋ جوباسى جاڭادان قولعا الىنعان ءىس ەمەس ەكەنىن اتاپ وتكەن ءجون. العاشقى ارەكەتتەر 90-شى جىلدارى جاسالدى، ءبىراق حالىقتىڭ تەرىس كوزقاراسىنا تاپ بولدى. مۇنداي كوزقاراستىڭ سەبەپتەرى تۇسىنىكتى، قازاقستان ۇزاق جىلدار بويى يادرولىق قارۋدى سىناۋ الاڭى رەتىندە پايدالانىلدى، بۇل وراسان زور اۋماقتاردىڭ ەكولوگياسىنا وتە تەرىس اسەر ەتتى»، - دەدى تيمۋر جولدىبايەۆ.
ساراپشىنىڭ پىكىرىنشە، قازىرگى كەزدە جاعداي مۇلدە باسقاشا.
«پوليگون جابىلدى، ونىڭ اۋماعى زەرتتەلدى جانە رادياسيالىق قاۋىپتىلىك دارەجەسى بويىنشا ايماقتارعا ءبولىندى. ناتيجەسىندە پوليگوندىق جەرلەردىڭ ەداۋىر بولىگى حالىق شارۋاشىلىعىنىڭ قاجەتتىلىكتەرىنە بەرۋگە دايىندالۋدا. قازىرگى اتوم ستانسيالارىنىڭ قاۋىپسىزدىك دەڭگەيى ەداۋىر ءوستى جانە تەحنولوگيالىق اپاتتاردىڭ ءقاۋپى نولگە تەڭ. سونىمەن قاتار، اتوم ەنەرگياسىن ءوندىرۋ ەكولوگيالىق تۇرعىدان ەڭ تازا بولىپ قالا بەرەدى. قازىرگى ۋاقىتتا وسىلايشا وندىرىلگەن ەلەكتر ەنەرگياسىنا ەو، جۇڭگو، رەسەي ەلدەرىندە جاسىل مارتەبە بەرىلدى. ايتا كەتۋ كەرەك، قازاقستان يادرولىق رەاكتورلاردى پايدالانۋ تاجىريبەسى بار ەل بولىپ تابىلادى. ۇزاق جىلدار بويى شيەۆچەنكو قالاسىندا (قازىرگى اقتاۋ) بن-350 تۇششىتقىش رەاكتورى جۇمىس ىستەدى، ونىڭ جابىلۋى ساياسي شەشىم بولدى. يادرولىق فيزيكا ينستيتۋتى مەن ۇلتتىق يادرولىق ورتالىقتىڭ الاڭدارىندا ءۇش زەرتتەۋ رەاكتورى تابىستى جۇمىس ىستەيدى، بۇل قازاقستانعا يادرولىق ەنەرگيانى بەيبىت ماقساتتا پايدالانۋ سالاسىندا بارلىق قاجەتتى قۇزىرەتتەرى بار ەل بولۋعا مۇمكىندىك بەرەدى. ۋران وندىرىلەتىن جانە اتوم ستانسيالارى ءۇشىن يادرولىق وتىن وندىرىلەتىن قازاتومونەركاسىپ ۇلتتىق كومپانياسىنىڭ كاسىپورىندارىن دا اتاپ وتپەۋگە بولمايدى. بىزدە قاجەتتى كادرلاردى دايارلاۋدى جۇزەگە اسىرۋعا بولاتىن وندىرىستىك الاڭدار بار. مەن اتوم ەلەكتر ستانسياسىن سالۋدىڭ جاعىمسىز جاقتارىنا قاراعاندا، وڭ تۇستارىن كورىپ وتىرمىن»، - دەپ تولىقتىردى تيمۋر جولدىبايەۆ.
اۆتوردىڭ جازباسىنا سىلتەمە: سسىلكا نا پوست اۆتورا: https://www.facebook.com/timur.zholdybayev/posts/pfbid02apV7obqBb9i3hjZ6oLerZFs6msZuLihKRX1mesganVWukzuA7JAroLLGBw1oitPGl؟_cft[0]=AZWEe0WNrXHmRqJnwRmLWvpjZAFeZyO4tyV8VMJBAoihdGB5VpExZdQ82l_qeEIfW8xHZExKOiLL7c_QS_UV-oGrnD8l12wNpT68ZA9sE_xNb7XFSIVwsOP9iQ1ud4thlWIWIW1Rt8zPhJsL1drXbEGv&tn_=%2CO%2CP-R