قازاقستاندا اتوم ەلەكتر ستانسياسىن (اەس) سالۋ ەلدىڭ ەنەرگەتيكالىق قاۋىپسىزدىگى مەن تاۋەلسىزدىگىن نىعايتىپ، ونەركاسىپتىك جانە تەحنولوگيالىق دامۋ ءۇشىن بەرىك ىرگەتاس بولماق.
سونىمەن قاتار، «جاسىل» اتوم ەنەرگياسى قازاقستاننىڭ بيزنەسىنە سىرتقى نارىقتارعا «لاس» ەنەرگيانى پايدالانعانى ءۇشىن ايىپپۇلداردان قورىقپاي سەنىمدى شىعۋعا مۇمكىندىك بەرەدى. بۇل ەلدىڭ ونەركاسىپتىك الەۋەتىنىڭ باسەكەگە قابىلەتتىلىگىن ايتارلىقتاي ارتتىرادى.
اەس-تىڭ پايداسى مۋلتيپليكاتيۆتى اسەر ارقىلى كورىنىس تابادى: جاڭا جۇمىس ورىندارى اشىلادى، ينفراقۇرىلىم جاقسارادى، كومىرقىشقىل گاز شىعارىندىلارى ازايادى جانە ەلەكتر ەنەرگياسىنىڭ تۇراقتى باعاسى قامتاماسىز ەتىلەدى.
سونىمەن قاتار، اەس سالۋ ايماقتىڭ قارقىندى دامۋىنا، ونىڭ ىشىندە ينفراقۇرىلىمنىڭ، جولداردىڭ، مەكتەپتەر مەن اۋرۋحانالاردىڭ قۇرىلىسىن جەدەلدەتۋگە ىقپال ەتەدى.