«AMANAT» پارتياسىنىڭ باستاماسىمەن اەس تۋرالى حالىقتىق شتاب قۇرىلىپ، ءاليحان بوكەيحان اتىنداعى ۋنيۆەرسيتەتتە اتوم ەلەكتر ستانساسىن سالۋ ماسەلەسىنە قاتىستى تالقىلاۋ ءوتتى.
جيىنعا عالىمدار، اتوم سالاسىنىڭ ماماندارى جانە ستۋدەنتتەر قاتىسىپ، اەس سالۋداعى تەحنولوگيانىڭ قاۋىپسىزدىگى مەن ونىڭ الەۋمەتتىك-ەكونوميكالىق اسپەكتىلەرى تۋرالى سۇراقتارعا جاۋاپ الدى. حالىقتىق شتابتىڭ مۇشەسى الماس ايتمۇقاش كەزدەسۋلەردىڭ ماقساتى – الداعى جالپىۇلتتىق رەفەرەندۋمعا دايىندىق ەكەنىن اتاپ ءوتتى.
شتاب مۇشەلەرى رەسپۋبليكالىق رەفەرەندۋمنىڭ ماڭىزدىلىعى، اەس قۇرىلىسى جانە اتوم ەنەرگەتيكاسىن دامىتۋ پەرسپەكتيۆالارى تۋرالى اقپارات بەردى. نۇرجان ابدىكارىموۆ اەس سالۋدىڭ قوعامعا پايداسىن ءتۇسىندىرىپ، ەكى ىقتيمال اۋماق – اباي وبلىسىنداعى كۋرچاتوۆ جانە الماتى وبلىسىنداعى ۇلكەن اۋىلىن اتاپ ءوتتى.
اەس سالۋ بويىنشا قاجەتتى قۇجاتتاردى راسىمدەۋ جۇمىستارى 5 جىل كولەمىندە جۇرگىزىلمەك.