حالىقتىق شتاب الماتى وبلىسىنىڭ تۇرعىندارىن اەس سالۋعا داۋىس بەرۋگە شاقىردى
قونايەۆ قالاسىندا حالىقتىق شتاب مۇشەلەرى الماتى وبلىسىنىڭ تۇرعىندارىمەن كەزدەسۋ وتكىزدى. ءىس-شاراعا زيالى قاۋىم وكىلدەرى، ارداگەرلەر، دارىگەرلەر، پەداگوگتار جانە جاستار قاتىستى.
سەنات سپيكەرى ماۋلەن اشىمبايەۆ پرەزيدەنتتىڭ اەس سالۋ تۋرالى رەفەرەندۋم وتكىزۋ باستاماسىنىڭ ماڭىزدىلىعىنا توقتالىپ، بۇل قادام «حالىق ۇنىنە قۇلاق اساتىن مەملەكەت» تۇجىرىمداماسىنىڭ كورىنىسى ەكەنىن اتاپ ءوتتى.
الماتى وبلىسى ارداگەرلەر كەڭەسىنىڭ ءتوراعاسى ەربولات تۇرىمبەتوۆ ارداگەرلەر قاۋىمى رەفەرەندۋمدى قولدايتىنىن جەتكىزدى. مەديسينا عىلىمدارىنىڭ دوكتورى زيناش كۇشتەكوۆا اەس-تىڭ قاۋىپسىزدىك ستاندارتتارىنا سايكەس كەلەتىنىن، ال ونىڭ رادياسيالىق اسەرى وتە تومەن ەكەنىن ايتتى. ساراپشى گريگوريي مەريسوۆ اەس-تىڭ ەكونوميكالىق پايداسىن، كومىرقىشقىل گازىن ازايتۋعا ىقپال ەتەتىنىن اتاپ ءوتتى.
كەزدەسۋدە اەس سالۋ ەلدىڭ ەنەرگەتيكالىق تاۋەلسىزدىگىن نىعايتىپ، تۇراقتى دامۋ مەن ەكونوميكالىق وسۋگە جول اشاتىنى ايتىلدى. حالىقتىق شتاب مۇشەلەرى تۇرعىنداردى رەفەرەندۋمعا بەلسەندى قاتىسۋعا شاقىردى.