قازىرگى تاڭدا ەلىمىزدىڭ الدىندا تۇرعان باستى ماسەلەلەردىڭ ءبىرى – ەنەرگەتيكالىق قاۋىپسىزدىكتى قامتاماسىز ەتۋ. الەمدە ەنەرگيا كوزدەرىنە دەگەن سۇرانىس ارتىپ كەلەدى، ال قازاقستاننىڭ ەنەرگەتيكا جۇيەسى زامان تالابىنا ساي جاڭارتۋدى قاجەت ەتەدى. وسى تۇرعىدا اتوم ەلەكتر ستانسياسىن (اەس) سالۋ – ەلىمىزدىڭ بولاشاعىنا جاسالعان ماڭىزدى قادام.
اەس سالۋ – قورشاعان ورتانى قورعاۋدىڭ، ەكونوميكالىق تۇراقتىلىقتى ارتتىرۋدىڭ جانە بولاشاق ۇرپاقتىڭ ءال-اۋقاتىن قامتاماسىز ەتۋدىڭ ءتيىمدى جولى. اتوم ەنەرگەتيكاسى تازا، سەنىمدى جانە ءتيىمدى ەنەرگيا كوزى بولىپ تابىلادى. وزىق تەحنولوگيالاردى پايدالانۋ ارقىلى اەس-تىڭ قاۋىپسىزدىگى دە جوعارى دەڭگەيدە قامتاماسىز ەتىلەدى.
"قازاقستاننىڭ ەنەرگەتيكالىق تاۋەلسىزدىگى ءۇشىن اتوم ەنەرگەتيكاسى ماڭىزدى. اەس سالۋ – بىزگە جاڭا مۇمكىندىكتەر اشىپ، الداعى ونجىلدىقتاردا تۇراقتى دامۋدىڭ كەپىلى بولماق. ەلىمىزدە وسىعان قاجەتتى بارلىق العىشارتتار بار – ۋران قورى مول، عىلىم مەن تەحنولوگيا جەتىلگەن، كادرلار دايىنداۋعا دا دايىنبىز"، – دەپ اتاپ ءوتتى جاناربەك ءاشىمجان.
بولاشاقتا اەس ارقىلى قازاقستان ەنەرگەتيكالىق قاجەتتىلىكتەرىن تولىقتاي قامتاماسىز ەتىپ، ەكولوگيالىق تازا تەحنولوگيالاردى ەنگىزە وتىرىپ، تۇراقتى دامۋعا قادام باسادى دەپ سەنەمىن.