اقىن، حالىقارالىق «الاش» ادەبي سىيلىعىنىڭ لاۋرەاتى ءادىلعازى قايىربەكوۆ №624 سايلاۋ ۋچاسكەسىنە بارىپ، پرەزيدەنتكە لايىقتى كانديداتقا داۋىس بەردى.
«ءبىر ەرەكشەلىگى، جاستارىمىز سايلاۋعا بەلسەنە قاتىسىپ جاتىر. بۇل – قۋانتارلىق جاعداي. ءار ازامات ەل تاعدىرى ايقىندالار ساتتە وزدەرىنىڭ داۋسى ماڭىزدى ەكەنىن بىلەدى.
قاراپايىم ازامات رەتىندە مەن مەملەكەتتى باسقارۋ تىزگىنىن كىمگە سەنىپ تاپسىرىپ جاتقانىمىزعا بەيجاي قاراي المايمىن. ءبىزدىڭ ءارقايسىمىزدىڭ داۋىسىمىز بالالارىمىز بەن نەمەرەلەرىمىزدىڭ بولاشاعىنا تىكەلەي اسەرىن تيگىزەدى.
مەنىڭ ويىمشا، مەملەكەت باسشىسى حالىقتىڭ سەنىمىنە يە، ەل ازاماتتارىنىڭ يگىلىگى ءۇشىن قىزمەت ەتەتىن تۇلعا بولۋى كەرەك.
مەن داۋىس بەرگەن كانديدات ۇلتتىق يدەيا مەن ادىلەتتى قوعام قۇرۋعا جول كورسەتۋمەن قاتار، مەملەكەتتىك ءتىلدىڭ دامۋىنا ەرەكشە كوڭىل بولەدى دەپ سەنەمىن. مەن ءۇمىتىمدى اقتايتىن ادامعا داۋىس بەردىم»، - دەدى ول.