وتكەننەن ساباق الىپ، بولاشاققا جوسپار قۇرىپ، بۇگىنىمىزدى مازمۇندى دا ماعىنالى وتكىزەيىك. پرەزيدەنت ق.ج.توقايەۆتىڭ ناۋرىز ايىنداعى كەزەكتى جولداۋىن زور ىقىلاسپەن تىڭداپ، تەرەڭ ءتۇسىنىپ قابىلداۋ كەرەكتىگىن ۇعىندىم.
ەرەكشە جولداۋ قوعامداعى داعدارىسقا جاۋاپتىلار، قاڭتار قاسىرەتىنە كىنالىلەر جازاسىز قالمايتىنىنا، ادىلەتتىلىك ۇستەمدىك قۇراتىنىنا سەندىردى. ەلىمىزدە تۇبەگەيلى جاڭارۋ، جاڭعىرۋعا قاراي باتىل قادام جاسالا باستاعانى بايقالادى.
ەل تاۋەلسىزدىگىنىڭ باياندىلىعى جولىندا قۋاتتى مەملەكەت قۇرۋدىڭ العىشارتتارى جاسالۋدا. ءبىزدىڭ ساياسي، يدەولوگيالىق مۇراتتارىمىز ايقىن بولۋى كەرەك. قازاقتىڭ عاسىرلار بويى ارمانداپ، ۇدايى كۇرەسىپ ءجۇرىپ قول جەتكىزگەن تاۋەلسىزدىگىن بارىنەن بيىك قويۋىمىز كەرەك. ۇلتتىق مۇددە مەن مەملەكەت مۇددەسى ءبىرتۇتاس ۇشتاسىپ، ەلىمىزدىڭ بىرلىگىن نىعايتۋعا قىزمەت ەتۋى قاجەت.
وسى جولداعى مەملەكەت باسشىسى ۇسىنىپ وتىرعان بارلىق رەفورمالىق وزگەرىستەر، جاڭارتۋ مەن جاڭعىرۋلار كوكەيگە ابدەن قونادى. ابايدىڭ، شاكارىمنىڭ، مۇحتاردىڭ، الاش ارىستارىنىڭ ءىزى قالعان، تاريحى تەرەڭ سەمەي ءوڭىرىنىڭ اباي وبلىسى بولىپ جاڭادان قۇرىلۋىن تاريحي ادىلەتتىلىكتىڭ قالپىنا كەلۋى دەپ قابىلدادىق. ۇلىتاۋ وبلىسى مەن جەتىسۋ وبلىسى دا حالىق قالاۋىنان شىعىپ وتىر.
بۇل جولداۋ جان-دۇنيەمىزگە ناۋرىزدىڭ نۇرى بولىپ قۇيىلعانداي! ۇزاعىنان ءسۇيىندىرسىن!