م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆتىڭ ايتۋىنشا، وركەنيەتتى ەلدەردە وزەكتى ماسەلەلەردى رەفەرەندۋمدا شەشۋ ءتاسىلى قولدانىستا بار. بۇل تۋرالى Almaty-akshamy.kz حابارلايدى Almaty.tv-گە سىلتەمە جاساپ.
«وركەنيەتتى ەلدەردە حالىقتىڭ ءۇنىن، پىكىرىن، مۇددەسىن ەسەپكە الۋ ءۇشىن وزەكتى ماسەلەلەردى رەفەرەندۋمدا شەشۋ ءتاسىلى بار. سوندىقتان مەملەكەت باسشىسى بۇل ماسەلەنى كوپتەن بەرى كوتەرىپ كەلەدى. پرەزيدەنت قاڭتار وقيعاسىنان كەيىنگى كەزەڭدەگى ءوز سوزىندە جاڭا قازاقستاندى قۇرۋ جانە جاڭا قازاقستان قانداي بولادى دەگەن ماسەلەگە قاتىستى ويىن اشىق ايتىپ ءجۇر. ادىلەتتى جاڭا قازاقستان قۇرۋ ءۇشىن اتا زاڭعا وزگەرىس ەنگىزۋ كەرەك. قازاقستاندا حالىق مۇددەسىن قولدايتىن، حالىقتىڭ ۇنىنە قۇلاق اساتىن، پرەزيدەنتتىك جانە پارلامەنتتىك، سونىمەن قوسا ەسەپ بەرەتىن ۇكىمەتى بار جاڭا مەملەكەتتىك جۇيە قالىپتاسادى دەگەن ويدامىز»، – دەدى م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ.