2025 جىلعى 30 مامىرداعى بۇيرىقپەن قازاقستان رەسپۋبليكاسى جوعارعى سوت كەڭەسىنىڭ ءتوراعاسى جوعارعى سوت كەڭەسى جانىنداعى ادىلەت اكادەمياسىنا وقۋعا قابىلداۋ قاعيدالارىنا وزگەرىستەر ەنگىزدى، دەپ حابارلايدى aqshamnews.kz
قاعيدالارعا مىناداي جاڭا نورما قوسىلدى:
"مەملەكەتتىك ءبىلىم بەرۋ تاپسىرىسى اياسىندا بولىنەتىن ورىنداردىڭ سانى ماگيستراتۋرانىڭ عىلىمي-پەداگوگيكالىق جانە بەيىندى باعىتتارى بويىنشا اكادەميا رەكتورىنىڭ جوعارعى سوت كەڭەسىنىڭ توراعاسىمەن كەلىسۋى ارقىلى بولىنەدى".
"7م042 – قۇقىق" كادرلار دايارلاۋ باعىتى بويىنشا ماگيستراتۋراعا قابىلداۋ كەلەسى تۇردە جۇزەگە اسىرىلادى:
عىلىمي-پەداگوگيكالىق باعىت بويىنشا وقۋ مەرزىمى – ەكى جىل؛
بەيىندى باعىت بويىنشا وقۋ مەرزىمى – ءبىر جىل.
بۇعان دەيىن ادىلەت اكادەمياسىنىڭ ماگيستراتۋراسىنا تەك "7م042 – قۇقىق" باعىتى بويىنشا ءبىر جىلدىق وقۋ مەرزىمىمەن قابىلدانعان بولاتىن.
ماگيستراتۋراعا تۇسەتىن تۇلعالار قۇجاتتاردى قابىلداۋ اياقتالعان ساتتە كەلەسى جاسقا تولۋى ءتيىس:
عىلىمي-پەداگوگيكالىق باعىت بويىنشا – 28 جاسقا؛
بەيىندى باعىت بويىنشا – 29 جاسقا.
قۇجاتتاردى تاپسىرۋ:
جەكە كەلىپ تاپسىرعان جاعدايدا ءوتىنىش بەرۋشى مىناداي قۇجاتتاردى ۇسىنادى:
جەكە باسىن كۋالاندىراتىن قۇجات نە سيفرلىق قۇجاتتار سەرۆيسىنەن الىنعان ەلەكتروندىق قۇجات (تۇلعانى سايكەستەندىرۋ ءۇشىن)؛
جوعارى ءبىلىم تۋرالى قۇجات نەمەسە ونىڭ قوسىمشاسىمەن بىرگە سيفرلىق قۇجاتتار سەرۆيسىنەن الىنعان ەلەكتروندىق قۇجات؛
مەملەكەتتىك قىزمەتشى بولىپ تابىلاتىن تۇلعالار ءۇشىن – جۇمىس ورنىنان قول قويىلعان جولداما؛
مەملەكەتتىك قىزمەتشىلەر ءۇشىن – قۇقىقتىق ماماندىق بويىنشا جۇمىس ءوتىلىن راستايتىن جۇمىس ورنىنان انىقتاما؛
ايماقتىق كۆوتا بويىنشا جانە مەملەكەتتىك قىزمەتشى بولىپ تابىلمايتىن تۇلعالار ءۇشىن – ەڭبەك قىزمەتىن راستايتىن قۇجات؛
075/ۋ نىسانىنداعى مەديسينالىق انىقتاما؛
حالىقارالىق شەت ءتىلىن مەڭگەرۋ سەرتيفيكاتى (بار بولعان جاعدايدا) – عىلىمي-پەداگوگيكالىق باعىتقا تۇسەتىندەر ءۇشىن.
شەتەلدە بەرىلگەن ءبىلىم تۋرالى قۇجاتتار قازاقستان رەسپۋبليكاسىنىڭ زاڭناماسىنا سايكەس تانىلۋى ءتيىس. شەت تىلىندەگى قۇجاتتار مەملەكەتتىك نەمەسە ورىس تىلىنە نوتاريالدى كۋالاندىرىلعان اۋدارماسىمەن قوسا بەرىلەدى.
ەلەكتروندىق ۇكىمەت پورتالى ارقىلى ("جەكە كابينەت" ارقىلى) تاپسىرعان جاعدايدا ۇسىنىلاتىن قۇجاتتار:
ەسق-مەن كۋالاندىرىلعان ەلەكتروندىق ءوتىنىش؛
جوعارى ءبىلىم تۋرالى قۇجاتتىڭ جانە ونىڭ قوسىمشاسىنىڭ ەلەكتروندىق كوشىرمەسى؛
مەملەكەتتىك قىزمەتشىلەر ءۇشىن – جولدامانىڭ ەلەكتروندىق كوشىرمەسى؛
قۇقىقتىق ماماندىق بويىنشا جۇمىس ءوتىلىن راستايتىن انىقتامانىڭ ەلەكتروندىق كوشىرمەسى؛
مەملەكەتتىك قىزمەتشى ەمەس تۇلعالار ءۇشىن – ەڭبەك قىزمەتىن راستايتىن قۇجاتتىڭ ەلەكتروندىق كوشىرمەسى؛
075/ۋ نىسانىنداعى مەديسينالىق انىقتامانىڭ ەلەكتروندىق كوشىرمەسى؛
شەت ءتىلىن مەڭگەرۋ سەرتيفيكاتىنىڭ ەلەكتروندىق كوشىرمەسى (بار بولسا) – عىلىمي-پەداگوگيكالىق باعىتقا تۇسەتىندەر ءۇشىن.
قۇجاتتاردىڭ شىنايىلىعى مەن سەرتيفيكاتتاردىڭ مەرزىمى قابىلداۋ كوميسسياسىمەن تەكسەرىلەدى.
قىزمەت كورسەتۋشى تۇلعانى سايكەستەندىرۋ ءۇشىن قاجەتتى دەرەكتەردى "ەلەكتروندىق ۇكىمەت" ءشليۋزى ارقىلى مەملەكەتتىك اقپاراتتىق جۇيەلەردەن الادى.
ماماندىق بويىنشا قابىلداۋ ەمتيحانى ءۇش كەزەڭنەن تۇرادى:
كەشەندى تەستىلەۋ (ۇلتتىق تەستىلەۋ ورتالىعى بازاسىندا):
عىلىمي-پەداگوگيكالىق باعىتقا تۇسەتىندەر: شەت ءتىلى تەستى (اعىلشىن، نەمىس نەمەسە فرانسۋز)، ءبىلىم بەرۋ باعدارلامالارى توپتارى بويىنشا بەيىندىك تەست، وقۋعا دايىندىقتى انىقتاۋ تەستى.
بەيىندى باعىتقا تۇسەتىندەر: تەك بەيىندىك تەست تاپسىرادى.
كەيس (جاعداياتتىق تاپسىرما) شەشۋ:
ازاماتتىق، قىلمىستىق جانە اكىمشىلىك قۇقىق سالالارى بويىنشا جاعدايلىق تاپسىرمالار.
ەسسە جازۋ.
شەت تىلىنەن بوساتىلۋ: عىلىمي-پەداگوگيكالىق باعىتقا تۇسۋشىلەر كەلەسى حالىقارالىق سەرتيفيكاتتاردىڭ بىرىنە يە بولعان جاعدايدا، شەت ءتىلى بويىنشا تەست تاپسىرۋدان بوساتىلادى:
اعىلشىن ءتىلى: IELTS Academic – كەمىندە 6 بالل، TOEFL iBT – كەمىندە 60 بالل؛
نەمىس ءتىلى: DSH نەمەسە TestDaF – B2 دەڭگەيى؛
فرانسۋز ءتىلى: TFI، DELF، DALF، TCF – كەمىندە B2 دەڭگەيى.
ماگيستراتۋراعا قابىلداۋ: عىلىمي-پەداگوگيكالىق جانە بەيىندى باعىتتار بويىنشا مەملەكەتتىك ءبىلىم بەرۋ تاپسىرىسى اياسىندا ماگيستراتۋراعا قابىلداۋ ماماندىق بويىنشا ەمتيحاننىڭ ءۇش كەزەڭىنىڭ جيىنتىق بالىنا سايكەس كونكۋرس نەگىزىندە جۇزەگە اسىرىلادى – ايماقتىق كۆوتا بويىنشا جانە جالپى تارتىپپەن بولەك.
ايماقتىق كۆوتا بويىنشا كونكۋرس ناتيجەسىندە بوس ورىندار قالسا، ولار ماگيستراتۋرا باعىتى بويىنشا جالپى كونكۋرس تارتىبىمەن قايتا بولىنەدى.
سونىمەن قاتار، مەملەكەتتىك ءبىلىم بەرۋ تاپسىرىسى نەگىزىندە مەملەكەتتىك قىزمەتشىلەرگە كورسەتىلەتىن ءبىلىم بەرۋ قىزمەتتەرى تۋرالى شارتتىڭ كەيبىر تارماقتارىنا وزگەرىستەر ەنگىزىلدى.
بۇل بۇيرىق 2025 جىلعى 30 مامىردان باستاپ كۇشىنە ەندى.