ق ر ۇكىمەتىنىڭ قاۋلىسىمەن ادىلبەك زەينۋللا ۇلى سارسەمبايەۆ ق ر يندۋستريا جانە ينفراقۇرىلىمدىق دامۋ ۆيسە-مينيسترى قىزمەتىنەن بوساتىلدى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
ادىلبەك سارسەمبايەۆ 1978 جىلى سەلينوگراد قالاسىندا (قازىرگى نۇر-سۇلتان قالاسى) دۇنيەگە كەلگەن.
قازاق مەملەكەتتىك زاڭ اكادەمياسىن «يۋريسپرۋدەنسيا» ماماندىعى بويىنشا بىتىرگەن.
ەڭبەك جولىن 1996 جىلى ق ر قم سالىق ينسپەكسياسىنىڭ جەكە تۇلعالاردىڭ كىرىستەرىنە سالىق سالۋ ءبولىمىنىڭ سالىق ينسپەكتورى بولىپ باستادى.
2001 جىلدان 2006 جىلعا دەيىن استانا قالاسى اكىمىنىڭ اپپاراتىندا، ق ر كولىك جانە كوممۋنيكاسيالار مينيسترلىگىندە، ق ر پرەزيدەنتى اكىمشىلىگىندە ءتۇرلى باسشىلىق قىزمەتتەر اتقاردى.
2007-2009 جىلدارى — پەتروپاۆل قالاسى اكىمىنىڭ ءبىرىنشى ورىنباسارى، سقو اكىمى اپپاراتىنىڭ باسشىسى.
ءتۇرلى جىلدارى جەكە مەنشىك قۇرىلىمداردا جۇمىس ىستەدى، ۇلتتىق كومپانيالار مەن مەملەكەتتىك مەكەمەلەردە باسشىلىق قىزمەتتەردە بولدى.
2016-2020 جىلدارى نۇر-سۇلتان قالاسىنداعى الماتى اۋدانىنىڭ اكىمى قىزمەتىن اتقاردى.
2020-2021 جىلدارى — «قازاقستان ينجينيرينگ» ۇك» اق باسقارما ءتوراعاسى.
2021 جىلعى ناۋرىزدان باستاپ ق ر يندۋستريا جانە ينفراقۇرىلىمدىق دامۋ ۆيسە-مينيسترى بولىپ قىزمەت ەتتى.