«يۋنەسكو» جانىنداعى حالىقارالىق مادەنيەتتەردى جاقىنداستىرۋ ورتالىعى جانە م.و. اۋەزوۆ اتىنداعى ادەبيەت جانە ونەر ينستيتۋتىنىڭ ۇيىمداستىرۋىمەن، «تۇركسوي» جازۋشىلار وداعىنىڭ قولداۋىمەن «وقۋعا قۇشتار ۇلتتىڭ قايتا جاڭعىرۋى» اتتى VI حالىقارالىق كونفەرەنسيا ءوتتى.
شارانىڭ باستى ماقساتى – ۇلتتىق ادەبيەتتەردىڭ ديالوگ ارقىلى دامۋ فاكتورلارى مەن الەمدىك مادەنيەتتەردىڭ جاقىنداسۋىن جانە وسى ۇدەرىستەردىڭ ءححى عاسىرداعى كىتاپ وقيتىن ۇلتتىڭ جاڭعىرۋىنا ىقپالىن زەرتتەۋ.
حالىقارالىق كونفەرەنسياعا يدەيا اۆتورى، بەلگىلى جازۋشى، قوعام قايراتكەرى ولجاس ومار ۇلى سۇلەيمەنوۆ ارنايى قاتىسىپ، قازىرگى قوعامداعى وزەكتى ماسەلەلەر، تاريحىمىزداعى ءتۇرلى كەزەڭدەر تۋراسىندا ءسوز سويلەدى.
شارانىڭ پلەنارلىق وتىرىسىن - م.و.اۋەزوۆ اتىنداعى ادەبيەت جانە ونەر ينستيتۋتى حالىقارالىق قاتىناستار جانە الەم ادەبيەتى ءبولىمىنىڭ مەڭگەرۋشىسى، فيلولوگيا عىلىمدارىنىڭ كانديداتى سۆەتلانا ۆيكتوروۆنا انانيەۆا، «وقيتىن ۇلتتىڭ جاڭعىرۋ فاكتورلارى» اتتى سەكسيا ءماجىلىسىن م.و. اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى، ق ر ۇعا اكادەميگى، فيلولوگيا عىلىمدارىنىڭ دوكتورى كەنجەحان ءىسلامجان ۇلى ماتىجانوۆ، «ادەبيەتتىڭ قوعامداعى ورنى مەن بولاشاعى» اتتى ءبولىمىن «تۇركسوي» جازۋشىلار وداعىنىڭ ءتوراعاسى ۇلىقبەك ەسداۋلەت جۇرگىزدى.
كونفەرەنسيادا ق ر مادەنيەت جانە اقپارات ءمينيسترىنىڭ، قازاقستاننىڭ يۋنەسكو جانىنداعى تۇراقتى وكىلدىگىنىڭ، تۇركى اكادەمياسىنىڭ، رەسەي جازۋشىلار جانە باسپاگەرلەر وداقتارىنىڭ قاۋىمداستىعىنىڭ، رەسەي كينەماتوگرافيستەر وداعىنىڭ، بەلارۋس ۇلتتىق كىتاپحاناسى، وزبەكستان ۇلتتىق كىتاپحاناسىنىڭ قۇتتىقتاۋ حاتتارى وقىلدى. سونىمەن قاتار قازاقستاننىڭ حالىق جازۋشىسى مۇحتار ماعاۋيننەن كەلگەن ارنايى حات تابىستالدى.
III ءبولىمنىڭ تۇرعان القالى جيىنعا تۇركيا، رەسەي، ازەربايجان، وزبەكستان، قىرعىزستان ەلدەرىنىڭ مەملەكەت جانە قوعام قايراتكەرلەرى، جازۋشىلارى مەن عالىمدارى ارنايى كەلىپ، تومەندەگى تاقىرىپتار اياسىندا بايانداما جاسادى:
- تاريحتى تەرەڭ تۇسىنۋدەگى تاريحي جانە كوركەم ادەبي شىعارمالاردىڭ الاتىن ورنى؛
- عىلىم، ءبىلىم جانە وقۋ مادەنيەتى: بولاشاق ۇرپاق ماسەلەسى؛
- مادەنيەتتەر اراسىنداعى بايلانىس: وقىرمان ۇلتتىڭ قايتا جاڭعىرۋى جانە ت.ب. وزەكتى ماسەلەلەر قوزعالدى.
كونفەرەنسيا بارىسىندا م.و. اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى، ق ر ۇعا اكادەميگى، فيلولوگيا عىلىمدارىنىڭ دوكتورى كەنجەحان ءىسلامجان ۇلى ماتىجانوۆ، ازەربايجاننىڭ حالىق جازۋشىسى، مەملەكەت قايراتكەرى، فيلولوگيا عىلىمدارىنىڭ دوكتورى ەلميرا احۋندوۆا، «تۇركسوي» جازۋشىلار وداعىنىڭ ءتوراعاسى، ق ر مەملەكەتتىك سىيلىعىنىڭ يەگەرى ۇلىقبەك ەسداۋلەت «ولجاس سۇلەيمەنوۆ اتىنداعى «حالىقتار دوستىعى» وردەنىمەن ماراپاتتالدى.
