ادام ومىرىنە اراشا تۇسكەن ينسپەكتور.
قازاقستان رەسپۋبليكاسىنىڭ ىشكى ىستەر ءمينيسترى م.احمەتجانوۆ الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ ينسپەكتورى سالتانات دۋسۋبايەۆانى ادام ءومىرىن قۇتقارىپ قالعانى ءۇشىن «قىلمىستىق-اتقارۋ جۇيەسىنىڭ ۇزدىگى» توسبەلگىسىمەن ماراپاتتادى، دەپ حابارلايدى Almaty-akshamy.kz.
سالتانات دۋسۋبايەۆا ارقالىق – قوستاناي جولاۋشىلار پويىزىندا كەلە جاتىپ، كۇتپەگەن جەردەن ەسىنەن تانىپ، قۇلاعان جولاۋشىنى قۇتقارىپ قالعان بولاتىن.
«پويىزدا وتىرعانىمىزدا، جانىمدا وتىرعان جولاۋشى قىز اياق استىنان ءوزىن جامان سەزىنىپ، قۇلاپ بارا جاتتى. مەن دەرەۋ كومەككە كەلىپ، قان قىسىمىن ولشەپ، جاساندى دەمالدىرۋعا كىرىستىم. كەۋدەسى مەن اياعىنا سۋىق باسقان سوڭ عانا ەسىن جينادى»، – دەيدى سالتانات.
كەلەسى ەسىل ستانسياسىنا جەتكەندە ناۋقاستى "جەدەل جاردەم" دارىگەرلەرى كۇتىپ العان. دارىگەرلىك ءبىلىمى بولماسا دا، سالتاناتتىڭ دەر كەزىندە العاشقى مەديسينالىق كومەك كورسەتۋىنىڭ ناتيجەسىندە جولاۋشى قىز امان قالدى.