الاتاۋ اۋدانى اكىمىنىڭ اپپاراتىندا سىبايلاس جەمقورلىققا قارسى ءىس-قيمىلدىڭ الدىن الۋ بويىنشا 2024 جىلعى اتقارىلعان جۇمىستار تۋرالى
سىبايلاس جەمقورلىق – مول قاراجات جانە قوعامدىق باسەكەلەستىك پايدا بولعان جەرلەرگە تامىرىن جايىپ، بۇگىنگە دەيىن بەلەڭ الىپ وتىرعان قوعام دەرتىنىڭ ءبىرى.
سىبايلاس جەمقورلىقپەن كۇرەسۋ - قوعام الدىنداعى باستى مىندەتتەردىڭ ءبىرى بولىپ وتىر. سوندىقتان دا «سىبايلاس جەمقورلىققا قارسى كۇرەس تۋرالى» زاڭ تالابىنىڭ اياسىندا جەمقورلىققا قارسى ىس-ارەكەتتەر ءار سالادا جۇزەگە اسىرىلۋدا. اسىرەسە، حالىق پاراقورلىق دەرتىمەن ءجيى بەتپە-بەت كەلەدى. سوندىقتان كەز كەلگەن ورتادا پارا بەرۋ مەن پارا الۋدىڭ جولىن كەسۋدە قوعام بولىپ بەلسەندىلىك تانىتۋ - ازاماتتىق پارىز.
پاراقورلىق مەملەكەتتىك ورگانداردىڭ ءتيىستى قىزمەت اتقارۋىنا كەرى اسەرىن تيگىزىپ، بەدەلىنە نۇقسان كەلتىرەدى، زاڭدى قاعيدالاردى تەرىسكە شىعارىپ، ازاماتتاردىڭ كونستيتۋسيالىق قۇقىقتارى مەن زاڭدى مۇددەلەرىنىڭ بۇزىلۋىنا الىپ كەلەدى. «سىبايلاس جەمقورلىققا قارسى كۇرەس تۋرالى» زاڭىنا سايكەس سىبايلاس جەمقورلىقپەن كۇرەستى بارلىق مەملەكەتتىك ورگاندار مەن وندا قىزمەت اتقاراتىن لاۋازىمدى تۇلعالار جۇرگىزۋى ءتيىس.
مەملەكەتتىك ورگانداردىڭ، جەرگىلىكتى ءوزىن-وزى باسقارۋ ورگاندارىنىڭ ۇجىمدارىنىڭ باسشىلارى ءوز وكىلەتتىگى شەگىندە كادر، باقىلاۋ، زاڭگەرلىك جانە وزگە دە قىزمەتتەرىن تارتا وتىرىپ، زاڭ تالاپتارىنىڭ ورىندالۋىن قامتاماسىز ەتۋگە مىندەتتى.
الاتاۋ اۋدانى اكىمىنىڭ اپپاراتىندا سىبايلاس جەمقورلىققا قارسى كۇرەس سالاسىندا جۇيەلى تۇردە جۇمىستار اتقارىلۋدا.
جىل باسىنان بەرى اۋدان اپپاراتىندا 5 (بەس) سەمينار وتكىزىلدى. سەمينار بارىسىندا ءاربىر قىزمەتكەردىڭ نازارىنا قولدانىستاعى زاڭناما نورمالارىنىڭ (اتاپ ايتقاندا «اكىمشىلىك راسىمدىك-پروسەستىك كودەكسى»، «سىبايلاس جەمقورلىققا قارسى ءىس-قيمىل تۋرالى» زاڭىنىڭ، «مەملەكەتتىك قىزمەت تۋرالى» جانە «مەملەكەتتىك قىزمەتشىلەردىڭ ادەپ كودەكسى» نورمالارىنىڭ) قاتاڭ ساقتالۋى ءتۇسىندىرىلدى.
2024 جىلعى 14 اقپانىندا اۋدان اكىمىنىڭ توراعالىعىمەن جانە الماتى قالاسى سىبايلاس جەمقورلىققا قارسى ءىس-قيمىل دەپارتامەنتىنىڭ پريەۆەنسيا باسقارماسىنىڭ باسشىسى ق.ا. سالىمبايەۆتىڭ قاتىسۋىمەن، اۋدان اپپاراتىنىڭ قىزمەتكەرلەرى ءۇشىن سەمينار وتكىزىلدى. اتالعان ءىس-شارانىڭ نەگىزگى ماقساتى - مەملەكەتتىك قىزمەتشىلەر اراسىندا سىبايلاس جەمقورلىققا قارسى تۇراقتى مىنەز-قۇلىقتى قالىپتاستىرۋ.
سونداي-اق، اعىمداعى جىلدىڭ قاڭتار، ءساۋىر ايلارىندا اۋدان اپپاراتىنىڭ ادەپ جونىندەگى ۋاكىلىنىڭ توراعالىعىمەن اپپارات قىزمەتكەرلەرىنىڭ قاتىسۋىمەن دوڭگەلەك ۇستەل وتكىزىلىپ، وندا مەملەكەتتىك قىزمەتشىلەردىڭ قىزمەتتىك ادەپ ستاندارتتارىنىڭ قاتاڭ ساقتالۋى ءتۇسىندىرىلدى.
2024 جىلدىڭ 30 مامىرىندا الماتىدا جانە بارلىق ءىرى قالالار مەن وڭىرلەردە جىل سايىنعى «حالىق زاڭگەرى» رەسپۋبليكالىق اكسياسى وتكىزىلدى. اكسيا اياسىندا مەملەكەتتىك ورگانداردىڭ 40-قا جۋىق وكىلى (ونىڭ ىشىندە اۋدان اپپاراتىنان)، سونداي-اق قالانىڭ 100-دەن استام بىلىكتى زاڭگەرلەرى مەن ادۆوكاتتارى قالا تۇرعىندارىن قابىلداپ، تەگىن زاڭگەرلىك كەڭەس بەرىپ، كومەگىن كورسەتتى.
2024 جىلعى 17 مامىرىندا الماتى قالاسى اكىمى اپپاراتىنىڭ ادەپ جونىندەگى ۋاكىلى م.ك. احەتوۆ جانە ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ مەملەكەتتىك قىزمەت سالاسىنداعى باقىلاۋ باسقارماسىنىڭ باس مامانى س.ر. قوشاتايەۆتىڭ توراعالىعىمەن «الاتاۋ اۋدانى اكىمى اپپاراتىنىڭ مەملەكەتتىك قىزمەتشىلەرىنە ادەپ نورمالارىنىڭ تالاپتارىنىڭ قاتاڭ ساقتالۋى» تاقىرىبىندا سەمينار-كەڭەس وتكىزىلدى.
2024 جىلعى 24 شىلدەدە الاتاۋ اۋدانىنداعى وقۋشىلاردىڭ يننوۆاسيالىق شىعارماشىلىق ورتالىعىندا الاتاۋ اۋدانىنىڭ اكىمدىگى مەن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ ۇيىمداستىرۋىمەن جانە اۋدانداعى ءبىلىم بەرۋ ۇيىمدارىنىڭ، دەنساۋلىق ساقتاۋ مەكەمەلەرىنىڭ، مەملەكەتتىك مەكەمەلەرىنىڭ قاتىسۋىمەن «سىبايلاس جەمقورلىقتىڭ الدىن الۋ» تاقىرىبىندا سەمينار وتكىزىلدى.
- اۋدان اپپاراتىنىڭ قىزمەتكەرلەرى اراسىندا قۇقىقتىق مادەنيەتتى، ولاردىڭ قولدانىستاعى زاڭنامالىق اكتىلەر بويىنشا قۇقىقتىق بىلىمدەرىن ارتتىرۋ ماقساتىندا «قۇقىقتىق جالپىعا بىردەي وقىتۋ» بويىنشا سەمينارلار كەزەڭ-كەزەڭىمەن وتكىزىلىپ تۇرادى.
- اۋدان اپپاراتىنىڭ رەسمي سايتىندا «سىبايلاس جەمقورلىققا قارسى ساياسات» تۋرالى ارنايى ءبولىم بار، وندا «سىبايلاس جەمقورلىققا قارسى ءىس-قيمىل تۋرالى» زاڭى، «مەملەكەتتىك قىزمەتشىلەردىڭ ادەپ كودەكسى»، سىبايلاس جەمقورلىققا قارسى ستاندارتتار جانە سىبايلاس جەمقورلىققا قارسى ساياساتتى جۇزەگە اسىرۋ جونىندەگى باسقا دا اقپاراتتار جاريالانعان.
بۇدان باسقا، اۋدان اپپاراتىندا «ادالدىق الاڭى» ءفرونت-وفيسى تۇراقتى نەگىزدە جۇمىس ىستەيدى. جىل باسىنان بەرى اۋداننىڭ 400-دەن استام تۇرعىنىنا قۇقىقتىق ماسەلەلەر بويىنشا كەڭەستەر بەرىلدى.
الاتاۋ اۋدانى اكىمىنىڭ اپپاراتىندا سىبايلاس جەمقورلىققا قارسى ءىس-قيمىل جونىندەگى جۇمىس تۇراقتى باقىلاۋدا.