كاسىپكەرلەردى سىبايلاس جەمقورلىقتان قورعاۋدىڭ وزەكتى ماسەلەلەرى تالقىلاندى.
الماتى قالاسىنىڭ سىبايلاس جەمقورلىققا قارسى قىزمەتىنىڭ ورتالىعىندا بيزنەستى قورعاۋ، بيزنەستەگى سىبايلاس جەمقورلىق ماسەلەلەرىنە ارنالعان بريفينگ ءوتتى. جيىن بارىسىندا ءبىرقاتار وزەكتى ماسەلە تالقىلانىپ، سپيكەرلەر جۋرناليستەردىڭ سۇراعىنا جاۋاپ بەردى.
قالادا ەكولوگيا، بيزنەس ءۇشىن جەر ۋچاسكەلەرىن ءبولۋ جانە ينفراقۇرىلىمدى بيزنەس وبەكتىلەرىنە جەتكىزۋدە جالپى قوعامنىڭ بارلىق سالاسىندا جەمقورلىق بەلەڭ العان.
بريفينگكە الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىسى اسحات ورازحان، الماتى قالاسىنىڭ «اتامەكەن» كاسىپكەرلەر پالاتاسىنىڭ ديرەكتورى ايتۋار كوشمامبەتوۆ جانە ب ا ق وكىلدەرى قاتىستى.
«قازىرگى تاڭدا سىبايلاس جەمقورلىققا قارسى قىزمەتتىڭ نەگىزگى باعىتىنىڭ ءبىرى – ازاماتتاردىڭ الەۋمەتتىك
ءال-اۋقاتىن جاقسارتۋ جانە حالىقتىڭ پروبلەمالىق ماسەلەلەرىن شەشۋ. وسىعان دەيىن وڭىرلىك ماسەلەلەرگە تەرەڭ ءۇڭىلىپ، ءاربىر ءوڭىردىڭ ەرەكشەلىگىن ەسكەرە وتىرىپ، اگەنتتىك ءاربىر وبلىس پەن رەسپۋبليكالىق ماڭىزى بار قالالار ءۇشىن سىبايلاس جەمقورلىق تاۋەكەلدەرىنىڭ كارتاسىن ازىرلەدى. كارتادا اشىقتىققا، اكىمشىلىك كەدەرگىلەردىڭ بولۋىنا، زاڭنامانىڭ جەتىلمەگەندىگىنە بايلانىستى شەشىم تابا المايتىن وزەكتى ماسەلەلەردىڭ ءتىزىمى كورسەتىلگەن. الماتى قالاسىندا قالا تۇرعىندارىن تولعاندىراتىن 6 نەگىزگى سالا انىقتالدى. ولار - قۇرىلىس جانە تۇرعىن ءۇي سالاسىنداعى ساپاسىز قۇرىلىس، الەۋمەتتىك تۇرعىن ءۇي ءبولۋ كەزىندەگى سىبايلاس جەمقورلىق تاۋەكەلدەرى، شەت ايماقتاردى دامىتۋ، ەكولوگيا، اتاپ ايتقاندا، ەرەكشە قورعالاتىن تابيعي اۋماقتاردىڭ جەرلەرىن پايدالانۋ، سۋ قورعاۋ ايماقتارىنىڭ ماڭىندا قۇرىلىس سالۋ، اۋانىڭ لاستانۋى، ەكونوميكا جانە قارجى. ايماقتىڭ ەكونوميكالىق دامۋىنا باعىتتالعان قاراجاتتى پايدالانۋ ەرەكشە نازار اۋدارۋدى تالاپ ەتەدى. فيسكالدىق سالا، اتاپ ايتقاندا، كەدەن، كونتراباندا، سالىقتاردىڭ تۇسپەۋى. جەر. ازاماتتار قالانىڭ نۇكتەلىك قۇرىلىسىنا، جەردىڭ زاڭسىز بولىنۋىنە نارازى. الەۋمەتتىك سالا. مۇندا ءبىلىم مەن دەنساۋلىق ساقتاۋ سالالارىن اتاپ وتۋگە بولادى.
شاعىن جانە ورتا بيزنەستىڭ دامۋىنا زاڭسىز كەدەرگى كەلتىرگەندەردىڭ بارلىعى زاڭعا سايكەس قاتاڭ جازاعا تارتىلادى. كاسىپكەرلەردەن تەك ادال كاسىپ جۇرگىزۋىن سۇرايمىز!» - دەدى الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىسى اسحات ورازحان.
ايتا كەتەتىن ءجايت، الماتىدا 250 مىڭنان استام شاعىن جانە ورتا كاسىپكەرلىك تىركەلگەن. قالا شاعىن جانە ورتا كاسىپكەرلىك ونىمدەرىن ءوندىرۋ كولەمى بويىنشا كوش باستاپ تۇرعانىنا قاراماستان، مۇندا بيزنەستى دامىتۋدا كەدەرگىلەر جوق ەمەس. كاسىپكەرلەر كەزدەسەتىن نەگىزگى ماسەلە – رۇقسات بەرۋ قۇجاتتارىن الۋ، سالىق سالۋ جانە سالىقتىق تەكسەرۋلەر، كوشى-قون ماسەلەلەرى جانە ت.ب.
قالادا «كاسىپكەرلەر كۇنى» وتكىزىلەتىن بولادى
الماتىنىڭ سىبايلاس جەمقورلىققا قارسى قىزمەتى ۆەدومستۆو قىزمەتكەرلەرى، شاعىن جانە ورتا بيزنەس، كاسىپتىك بيزنەس-قاۋىمداستىقتار جانە «اتامەكەن» وكپ وكىلدەرى قاتارىنان ءموبيلدى توپ قۇردى. بۇل تۋرالى بيزنەستى قورعاۋ ماسەلەلەرىنە ارنالعان بريفينگ بارىسىندا ايتىلدى.
«ءموبيلدى توپ قۇرۋدىڭ نەگىزگى ماقساتى – كاسىپكەرلەردىڭ پروبلەمالىق ماسەلەلەرىن شەشۋگە باعىتتالعان بىرلەسكەن جانە كەلىسىلگەن ءىس-قيمىلداردى ازىرلەۋ جانە ىسكە اسىرۋ. ءبىز بيزنەستەگى وزەكتى ماسەلەلەردى تەز ارادا شەشۋگە اتسالىساتىن بولامىز»، - دەپ اتاپ ءوتتى الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىسى اسحات ورازحان.
وسى باعىتتاعى تاعى ءبىر جاعىمدى جاڭالىقتاردىڭ ءبىرى - اي سايىن قالانىڭ بيزنەس-قاۋىمداستىقتارىنىڭ الاڭدارىندا «كاسىپكەرلەر كۇنىن» وتكىزۋ جوسپارلانۋدا.
«قوعامدىق قاۋىمداستىق رەتىندە ءوز تاراپىمىزدان وسى باستامالاردى قولدادىق. سەبەبى بيزنەس مۇنداي اكىمشىلىك كەدەرگىلەردى قالاي جويۋ كەرەكتىگىن جانە كەيىن وكىنبەۋ ءۇشىن قايدا جۇگىنۋ كەرەكتىگىن بىلمەي، قورقىپ جاتادى. ال اتالعان الاڭداردا كاسىپكەرلەر ءۇشىن جاڭا مۇمكىندىكتەر اشىلۋدا، ويتكەنى مۇندا ولاردىڭ ماسەلەلەرىن زاڭ اياسىندا شەشۋگە دايىن»، - دەپ قازاقستان كاسىپكەرلەر فورۋمىنىڭ اتقارۋشى ديرەكتورى مۋناۆارا پالتاشيەۆا ءوز ويىن ءبىلدىردى.
بريفينگ قورىتىندىسى بويىنشا سىبايلاس جەمقورلىققا قارسى قىزمەت كاسىپكەرلەردى «ە-وتىنىش» پورتالى، 1424 سىبايلاس جەمقورلىققا قارسى قىزمەتتىڭ call-ورتالىعى نەمەسە Facebook پلاتفورماسىندا باسشىلىقتىڭ جەكە اككاۋنتىنا جازۋ ارقىلى كەز كەلگەن سىبايلاس جەمقورلىق كورىنىستەرى تۋرالى حابارلاۋعا جانە شەتتە قالماۋعا شاقىردى.
سونداي-اق، ۆەدومستۆو حابارلاعانداي، «كاسىپكەرلەر كۇنىن» وتكىزۋ ۋاقىتى مەن ورنى الەۋمەتتىك جەلىلەردە جانە دەپارتامەنتتىڭ رەسمي پاراقشاسىندا جاريالاناتىن بولادى.
بىلتىر دەپارتامەنت شاعىن ورتا بيزنەسكە ارالاسۋ فاكتىلەرى بويىنشا 24 قىلمىستى تىركەگەن
الماتى قالاسى مەملەكەتتىك كىرىستەر دەپارتامەنتىنىڭ تۇركسىب اۋدانى بويىنشا مەملەكەتتىك كىرىستەر باسقارماسىنىڭ باس مامانى ن.قارابالايەۆ جەكە كاسىپكەر شوتىنان قاماۋدى الىپ تاستاي وتىرىپ، ارنايى سالىق رەجيمىن قالدىرعانى ءۇشىن كاسىپكەردەن 260 مىڭ تەڭگە سوماسىندا پارا الدى. ن. قارابالايەۆقا 7.8 ميلليون تەڭگە ايىپپۇل تۇرىندە جازا تاعايىندالدى.
وكىنىشكە قاراي، قالادا كاسىپكەرلىكتەگى جەمقورلىققا قاتىستى مۇنداي فاكتىلەر از ەمەس.