22 قىركۇيەكتە الماتى قالاسى بوستاندىق اۋدانىندا ورنالاسقان «قازاق عىلىمي-زەرتتەۋ ينستيتۋتى قايتا وڭدەۋ جانە تاماق ونەركاسىبى» مەكەمەسىندە «اۋىل» پارتياسىنىڭ وڭىرلىك فيليالى «ادال ازامات» يدەولوگەماسىن ءتۇسىندىرۋ جانە 2025 جىلعى 8 قىركۇيەكتە مەملەكەت باسشىسى قاسىم-جومارت توقايەۆ جاريالاعان جولداۋدى تالقىلاۋ تاقىرىبىندا كەزدەسۋ وتكىزدى.
جيىنعا مەكەمە قىزمەتكەرلەرى، پارتيا مۇشەلەرى جانە عالىمدار قاتىستى. كەزدەسۋ بارىسىندا ينستيتۋتتا ۇزاق جىلدار ەڭبەك ەتىپ كەلە جاتقان عالىم چومانوۆ ۋريشباي «ادال ازامات» قالىپتاستىرۋدىڭ قوعام ءۇشىن ماڭىزى جونىندە پىكىر ءبىلدىردى.
سونىمەن قاتار، «اۋىل» پارتياسىنىڭ الماتى قالاسى فيليالىنىڭ ءتوراعاسى ا. قوڭىربايەۆ پرەزيدەنت جولداۋىنداعى پارلامەنتاريزمدى دامىتۋ جانە جاساندى ينتەللەكتتى ەنگىزۋ ماسەلەلەرىنە توقتالىپ، تۇسىنىكتەمە جاسادى.
ءوز كەزەگىندە ينستيتۋت ديرەكتورىنىڭ ورىنباسارى ۋميرالييەۆا لازات مەكەمەدە جاساندى ينتەللەكتتى پايدالانۋ لابوراتورياسى اشىلاتىنىن حابارلاپ، بۇل باستاما عىلىم مەن وندىرىستە جاڭا مۇمكىندىكتەرگە جول اشاتىنىن اتاپ ءوتتى.
كەزدەسۋ پىكىر الماسۋ الاڭىنا اينالىپ، قاتىسۋشىلار ەل دامۋىنداعى ادالدىق پەن ادىلدىك قۇندىلىقتارىن كەڭىنەن ناسيحاتتاۋ قاجەتتىگىن اتاپ ءوتتى.