ابيبا ابۋجاقىنوۆا (-48 كگ) انتالياداعى ۇلكەن دۋلىعا باسەكەسىنىڭ قولا جۇلدەگەرى اتاندى، دەپ حابارلايدى almaty-akshamy.kz
قازاقستاندىق دزيۋدوشى جۇلدە جولىندا سابينا گيليازوۆادان گولدەن-سكوردا باسىم ءتۇستى. قارسىلاسى 3 ەسكەرتۋ (شيدو) الۋىنا بايلانىستى جەڭىس ابيباعا بەرىلدى. ەكى تاتامي شەبەرى وسى ايدىڭ باسىندا تاشكەنتتەگى ۇلكەن دۋلىعا تۋرنيرىندە فينالدا كۇرەسىپ، سابينا باسىم تۇسكەن.
ايتا كەتەيىك، ابيبا كۇندىزگى سەسسيادا راكيەل بريتونى (پورتۋگاليا)، كريستينا دۋدينانى (رەسەي) جانە شيرەك فينالدا ماريا سەليا لابوردەنى (اقش) ۇتىپ، D توبىندا توپ جارعان. ءبىراق جارتىلاي فينالدا 3 دۇركىن الەم چەمپيونى، 2 دۇركىن ازيا ويىندارىنىڭ جەڭىمپازى ناسۋمي سۋنودادان (جاپونيا) ايلاسىن اسىرا العان جوق.
بۇل قازاق دزيۋدوشىسىنىڭ ۇلكەن دۋلىعا ساناتىنداعى تۋرنيردەردەگى 7-جۇلدەسى. ناۋرىزدىڭ باسىندا تاشكەنتتە العاش رەت كۇمىس السا، وسىعان دەيىن تەك قولا جۇلدەگە يە بولعان.