وليمپيادالىق رەيتينگىدە العاشقى ۇشتىككە ءابيبا ءابۋجاقىنوۆا ەندى
دزيۋدودان قازاقستان ايەلدەر كومانداسىنىڭ ۇزدىگى ءابيبا ءابۋجاقىنوۆا وليمپيادالىق رەيتينگتە ءۇشىنشى، الەمدىك رەيتينگتە ءتورتىنشى ورىنعا كوتەرىلدى، دەپ حابارلايدى اlmaty-akshamy.kz olympic.kz-كە سىلتەمە جاساپ.
48 كەلى سالماقتا سىنعا تۇسەتىن ابيبا وليمپيادالىق رەيتينگىدە 4 576 ۇپايمەن ءۇشىنشى ورىندا تۇر.
ءبىرىنشى ورىنعا 5 945 ۇپاي جيناعان اسسۋنتا سكۋتتو (يتاليا)، ەكىنشى ورىنعا 5 200 ۇپايمەن ناسۋمي سۋنودا ورنالاسقان.
الەمدىك رەيتينگتە جەرلەسىمىز 5184 ۇپايمەن ءتورتىنشى ورىندا.
ايتا كەتەلىك، ءابيبا ءابۋجاقىنوۆا بيىل ءوزى قاتىسقان رەسمي تۋرنيرلەردىڭ بارىندە ۇزدىك ۇشتىككە ەندى.
پورتۋگاليادا وتكەن گران-پري تۋرنيرىندە، باكۋ مەن انتالياداعى Grand Slam تۋرنيرىندە قولا جۇلدەگەر اتانسا، تاشكەنتتەگى Grand Slam-دا كۇمىسكە قول جەتكىزدى.
ءابيبا ءابۋجاقىنوۆا دزيۋدودان قازاق قىزدارى اراسىندا الەم چەمپيوناتى مەن Grand Slam تۋرنيرلەرىنەن جۇلدە العان العاشقى سپورتشى. سونداي-اق، ول ازيا چەمپيوناتى مەن ازيا ويىندارىنىڭ كۇمىس جۇلدەگەرى.