اباي قۇنانباي ۇلىنىڭ 180 جىلدىق مەرەيتويى مەن كورنەكتى ابايتانۋشى-عالىمجابال شويىنبەتتىڭ 70 جىلدىعىنا ارنالعان«ابايتانۋدىڭ جاڭا كەزەڭى جانە جابال شويىنبەت» اتتى رەسپۋبليكالىق فورۋم ءوتتى، - دەپ حابارلايدى Aqshavmnews.kz.
ابايتانۋشىلار فورۋمىنا ەلءىمءىزدىڭ جەتەكشى عالىمدارى، زيالى قاۋىم وكىلدەرى، ورتا مەكتەپتەگى «ابايتانۋدان» ساباق بەرەتىن مۇعالىمدەر مەن ستۋدەنتتەر قاتىستى.
جيىندى ۋنيۆەرسيتەتتىڭ اكادەميالىق قىزمەت جونىندەگى پرورەكتورى بانۋ ناربەكوۆا اشىپ، اباي مۇراسىن زەرتتەۋدىڭ ۇلتتىق رۋحانياتتى دامىتۋداعى ماڭىزىن اتاپ ءوتتى. شارانىڭ عىلىمي-تاجىريبەلىك مازمۇنىن تەرەڭدەتۋ ماقساتىندا فورۋم مودەراتورى ابايتانۋشى داۋرەن مۇحامادييەۆ بولدى.
ءىس-شارا بارىسىندا جابال شويىنبەتقۇراستىرعان «ابايدى زەرتتە، تاڭىرقات» جانە «مەكەمتاس مىرزاحمەت ۇلى – اباي جولىمەن» اتتىەكى بىردەي عىلىمي جيناقتىڭ تۇساۋى كەسءىلدى. ولاردىڭ تۇساۋىن ق ر مەملەكەتتىك سىيلىعىنىڭ لاۋرەاتى ورازالى سابدەن، ق ر عىلىم جانە جوعارى ءبىلىم مينيسترلىگى كوميتەت ءتوراعاسىنىڭ ورىنباسارى اقەركە ابىلايحان، اكادەميالىق قىزمەت جونىندەگى پرورەكتورى بانۋ ناربەكوۆا، بەلگىلى عالىمدار دانداي ىسقاقۇلى مەن بالتاباي ءابدىعازي ۇلى كەستى. بۇل ەڭبەكتەر ابايتانۋدى وقىتۋ ىسىنە تىڭ سەرپىن بەرەتىن ماڭىزدى قۇرالدار رەتىندە باعالاندى.
فورۋمدا ابايتانۋ عىلىمىنىڭ وزەكتى باعىتتارىنا ارنالعان مازمۇندى باياندامالار وقىلدى. اقەركە ابىلايحان «تولىق ادام تۇعىرى –ادىلەت» اتتى بايانداماسىندا اباي ىلىمىندەگى ادىلەت كونسەپسياسىن مەملەكەتتىك دامۋ ستراتەگياسىمەن بايلانىستىرىپ، پرەزيدەنت قاسىم-جومارت توقايەۆتىڭ زاڭ ۇستەمدىگى تۋرالى تۇجىرىمدارىن مىسالعا كەلتىردى. ول جابال شويىنبەتتىڭ «تولىق ادام» ەڭبەگىنءىڭ قازىرگى گۋمانيتارلىق عىلىمداعى ماڭىزىنا ەرەكشە توقتالدى. ورازالى سابدەن «اباي جانە قازاقتىڭ بولاشاعى» بايانداماسىندا حاكىم مۇراسىنىڭ ەل دامۋىنا ىقپالىن جان-جاقتى ءسوز ەتءىپ، اباي مۇراسىن دامىتۋعا قاتىستى ۇسىنىستارىن ءبىءلدىردى. سىنشى-عالىم دانداي ىسقاق جابال شويىنبەت زەرتتەۋلەرىنىڭ ەرەكشەلىكتەرىنە توقتالسا، قمدب جانىنداعى يسلام عىلىمي-زەرتتەۋ ينستيتۋتىنىڭ ديرەكتورىءتورالى قىدىر اباي دۇنيەتانىمىنداعى يسلامدىق قۇندىلىقتاردى سارالادى. پروفەسسورلار گۇلزيا پىرالييەۆا مەن رۋدا زايكەنوۆا ابايتانۋدىڭزاماناۋي عىلىمي باعىتتارىن تالداپ، جابال شويىنبەتتىڭ ەڭبەكتەرىمەن ساباقتاستىرا وتىرىپ مازمۇندى پىكىر ايتتى.
بۇل باياندامالار فورۋمعا ارنايى قاتىسقانالماتى قالاسى مەن الماتى وبلىسىنداعى ورتا مەكتەپتەردىڭ «ابايتانۋ» ءپانى مۇعالىمدەرىنە وتە قۇندى دا تۇششىمدى اقپارات بولدى. سونداي-اق، ءپاندى وقىتۋعا ادىستەمەلىك ءتيىمدى تاسىلدەر رەتىندە ۇسىنىلدى.
جيىن سوڭىندا اباي اتىنداعى قازۇپۋ باسقارما توراعاسى-رەكتورىنىڭ كەڭەسشىسى حايرۋللا نىشان ۇلى ۋنيۆەرسيتەت اتىنان قۇتتىقتاۋ ءسوز سويلەپ، 70-كە تولعان جابال شويىنبەتكە شاپان جاۋىپ، «اباي» توسبەلگىسىن تابىس ەتتى. سونىمەن قاتار، فورۋم جۇمىسىنا كەلگەن تانىمال عالىمدار مەن قوناقتار ءوز مەكەمەلەرى اتىنان مەرەيتوي يەسىنە سىي-سياپاتتارىن ۇسىندى.
رەسپۋبليكالىق دەڭگەيدە ۇيىمداستىرىلعان بۇل عىلىمي باسقوسۋ اباي مۇراسىن جاڭاشا پايىمداۋعا، ابايتانۋدىڭ جاڭا كەزەڭىن ايقىنداۋعا جانە «تولىق ادام» ۇلتتىق يدەياسىنىڭ قازىرگى گۋمانيتارلىق عىلىمداعى ورنىن تالقىلاۋعا مۇمكىندىك بەرگەن ماڭىزدى فورۋم بولدى. قاتىسۋشىلار اباي شىعارماشىلىعىن جان-جاقتى زەرتتەۋدىڭ بولاشاق باعىتتارىن بەلگىلەۋ ارقىلى قازاق رۋحانياتىنداعى ابايتانۋدىڭ دامۋ كەلەشەگىنە قاتىستى ورتاق ۇستانىم قالىپتاستىردى.
