بايقاۋ اباي كۇنىنە ورايلاستىرىلعان.
ابايدىڭ شىعارمالارىن مانەرلەپ وقىعاندار IPhone-15 ۇتىپ الا الادى، دەپ حابارلايدى aqshamnews.kz
«10 تامىزدا ەلىمىزدە ءداستۇرلى تۇردە اقىن ءارى اعارتۋشى اباي قۇنانباي ۇلىنىڭ قۇرمەتىنە اباي كۇنى اتالىپ وتەدى. مەرەكە اياسىندا ەلوردادا «اباي جولىمەن» بايقاۋى باستالدى. باس جۇلدە – IPhone 15»، دەپ مالىمدەدى جەرگىلىكتى اكىمدىك.
كونكۋرس شارتتارى:
استانا تۇرعىنى بولۋ كەرەك؛
قاتىسۋشىلاردىڭ جاسى 14-تەن 34 جاسقا دەيىن (قوسا العاندا)؛
@elorda_jastary پاراقشاسىنا جازىلىپ، بەلگىلەۋ قاجەت؛
#ابايجولىمەن2024 جانە #پوپۋتيابايا2024 حەشتەگتەرىن بەلگىلەۋ كەرەك؛
اباي قۇنانباي ۇلىنىڭ شىعارماسىن مانەرلەپ وقىپ، بەينەتاسپاعا ءتۇسىرۋ قاجەت.
ۆيدەوجازبالار 2024 جىلدىڭ 7 تامىزىنا دەيىن قابىلدانادى. قوسىمشا اقپاراتتى @elorda_jastary Instagram پاراقشاسىنان الۋعا بولادى.