2023 جىلدىڭ جەلتوقسانىندا ق ر عىلىم جانە جوعارى ءبىلىم مينيسترلىگى «وتباسى بانك» اق-مەن بىرلەسىپ جاس عالىمداردى تۇرعىن ۇيمەن قامتاماسىز ەتۋ باعدارلاماسىن ىسكە قوستى.
باعدارلاما جاس عالىمدارعا بۇگىنگى كۇننىڭ قاجەتتىلىگى بولىپ تابىلاتىن العاشقى باسپاناعا قول جەتكىزۋگە مۇمكىندىك بەرەدى، دەپ حابارلايدى Almaty-akshamy.kz.
بۇل كەلىسىم پرەزيدەنت جانىنداعى عىلىم جانە تەحنولوگيالار جونىندەگى ۇلتتىق كەڭەستىڭ 2023 جىلعى 12 ساۋىردەگى وتىرىسىندا بەرىلگەن مەملەكەت باسشىسىنىڭ تاپسىرمالارىن ورىنداۋ ماقساتىندا جۇزەگە اسىرىلۋدا.
اباي ۋنيۆەرسيتەتىندە وسى باعدارلاما اياسىندا ونەر، مادەنيەت جانە سپورت ينستيتۋتى ديرەكتورىنىڭ وقۋ ءىسى جونىندەگى ورىنباسارى، PhD كاريما سەيتبەكوۆا، ماتەماتيكا، فيزيكا جانە ينفورماتيكا ينستيتۋتىنىڭ وقىتۋشىلارى سالتانات مەيمانكۋلوۆا جانە ايكەنجە جامكەيەۆا، تاريح جانە قۇقىق ينستيتۋتىنىڭ وقىتۋشىلارى ايزادا بەرىكبولوۆا مەن مادينا اماندوسوۆا باسپانالى بولدى.
«وتباسى بانك» اق ۋنيۆەرسيتەتتىڭ تاعى 7 جاس عالىمىنىڭ قۇجاتتارىن ماقۇلدادى، بۇل باستامانىڭ تيىمدىلىگى مەن قاجەتتىلىگىن راستايدى. اباي ۋنيۆەرسيتەتىنىڭ جاس عالىمدارى ق ر عىلىم جانە جوعارى ءبىلىم مينيسترلىگىنە، ۋنيۆەرسيتەت باسشىلىعىنا قولداۋ كورسەتكەنى ءۇشىن شىن جۇرەكتەن العىس بىلدىرەدى. بۇل باعدارلاما دارىندى عالىمدار ءۇشىن جايلى باسپانامەن قامتاماسىز ەتىپ قانا قويماي، ولاردىڭ قازاقستانداعى عىلىمنىڭ دامۋىنا قوسقان ۇلەسىن ىنتالاندىرادى.
ەسكە سالا كەتسەك، تۇرعىن ءۇي باعدارلاماسىنا گرانتتىق نەمەسە باعدارلامالىق-نىسانالى قارجىلاندىرۋ شەڭبەرىندە عىلىمي جوبالار مەن باعدارلامالارعا، عىلىمي - تەحنيكالىق قىزمەت ناتيجەلەرىن كوممەرسيالاندىرۋ جوبالارىنا قاتىسۋدى قوسا العاندا، كەمىندە ءۇش جىل عىلىمي-زەرتتەۋ جۇمىس وتىلىمەن، ماگيستر دەڭگەيىنەن تومەن ەمەس، تۇرعىن ۇيگە مۇقتاج جاس عالىمدار قاتىسا الادى.