الداعى ۋاقىتتا كەز كەلگەن جوعارى وقۋ ورىنى زامان تالابىنا سايكەس مىقشەگەدەي ورنىن نىقتاعىسى كەلسە، ءبىلىم بەرۋ جۇيەسىن جاساندى ينتەللەكتپەن بايلانىستىرۋ كەرەك. بۇل قازىرگى ۋاقىت كوشىنە ىلەسۋدىڭ بىردەن-بىر جولى. وسى ماقساتتا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە جاساندى ينتەللەكتكە نەگىزدەلگەن جاڭا Smartاۋديتورياسى اشىلدى. بۇل – ءبىلىم بەرۋ جۇيەسىن سيفرلاندىرۋعا، ستۋدەنتتەردىڭ شىعارماشىلىق قابىلەتتەرىن ارتتىرۋعا جانە عىلىمي ىزدەنىستەردى جاڭا دەڭگەيگە كوتەرۋگە باعىتتالعان ماڭىزدى قادام.
پرەزيدەنت قاسىم-جومارت توقايەۆ بيىلعى جولداۋىندا ءۇش جىل ىشىندە ەلىمىزدىڭ سيفرلىق مەملەكەتكە اينالۋ قاجەتتىگىن تاپسىرعانى بەلگىلى. مەملەكەت باسشىسىنىڭ بۇل باستاماسى الەمدىك دەڭگەيدەگى قازاقستاننىڭ ورنىن ايقىنداپ بەرەرى ءسوزسىز. اسىرەسە ءبىلىم بەرۋ سالاسى جاڭا تەحنولوگيالاردى يگەرۋدە نەگىزگى قوزعاۋشى كۇشكە اينالۋى قاجەت. ۋنيۆەرسيتەتتىڭ Smart اۋديتورياسىن اشۋى – وسى باعىتتاعى جۇمىستارىنىڭ ءبىر پاراسى.
Smart ءدارىسحانا – روبوتوتەحنيكا مەن جاساندى ينتەللەكت تەحنولوگيالارىن بىرىكتىرگەن زاماناۋي ءبىلىم بەرۋ الاڭى. مۇندا ستۋدەنتتەر اۆتوماتتى تۇردە گۇلدەردى سۋاراتىن قۇرىلعى، پلاستيكالىق بوتەلكەلەردى قايتا وڭدەۋگە ارنالعان PETamentor،جاساندى ينتەللەكتكە سۇيەنگەن IJauap روبوتتارى سياقتى جوبالارمەن جۇمىس ىستەيدى. بۇل تەك دايىن ءونىمدى كورۋ عانا ەمەس، ءوز يدەيالارىن ۇسىنىپ، تاجىريبە جۇزىندە سىناپ، ناتيجەسىن كورۋگە مۇمكىندىك بەرەدى. ياعني، جاڭا اۋديتوريا ستۋدەنتتەردى يننوۆاسيالىق ويلاۋعا، زەرتتەۋگە جانە ناقتى ناتيجەگە قول جەتكىزۋگە باۋليدى.
جاڭا ءدارىسحانا تەك تەحنيكالىق بازا عانا ەمەس، سونىمەن بىرگە ستۋدەنتتەردىڭ شىعارماشىلىق الەۋەتىن اشاتىن، جاڭا يدەيالارعا جول كورسەتەتىن ورتالىق بولماق. مۇندا ستۋدەنتتەر مەن جاس عالىمدار بىرلەسە جۇمىس ىستەپ، جاڭا جوبالار جاساي الادى. دەمەك، تەوريا مەن تاجىريبەنىۇشتاستىرۋدا ءبىلىم الۋشىنى كاسىبي تۇرعىدا شىڭداۋعا مۇمكىندىك بەرمەك.
اباي ۋنيۆەرسيتەتى ءارقاشان جاڭاشىلدىقتى قولداپ، ولاردى وقۋ پروسەسىنە ەنگىزۋدە كوشباسشى. Smart اۋديتوريانىڭ اشىلۋى سوعان ناقتى دالەل. وسى باستاما ارقىلى جاساندى ينتەللەكتتىقولدانۋدىڭ جاڭا تاسىلدەرىن دامىتىپ، ستۋدەنتتەرگە زاماناۋي ءبىلىم مەن داعدى قالىپتاستىرۋعا جول اشادى. الداعى ۋاقىتتا ۋنيۆەرسيتەت ءبىلىم بەرۋ ۇدەرىسىن تولىقتاي سيفرلاندىرۋعا، جي-گەنەگىزدەلگەن جوبالاردى كوبەيتۋگە جانە وسى سالاداعى عىلىمي-زەرتتەۋ جۇمىستارىن جۇيەلى تۇردە دامىتۋعا ايرىقشا ءمان بەرمەك.
اباي اتىنداعى قازاق ۇلتتىق پەداگوگيكالىق ۋنيۆەرسيتەتى – ەلىمىزدىڭ جوعارى ءبىلىم بەرۋ كەڭىستىگىندە پەداگوگيكالىق كوشباسشى ءبىلىم ورداسى. بۇگىنگى تاڭداعى باستى ماقساتى – جاساندى ينتەللەكت پەن سيفرلىق تەحنولوگيالاردى جەتىك مەڭگەرگەن، جاڭا ءداۋىر تالابىنا ساي كاسىبي بىلىكتى مامانداردى دايارلاۋ. ال Smart اۋديتوريا سوعان بەرىك نەگىز قالايدى.