اباي ۋنيۆەرسيتەتى - قازاقستان مەن ورتالىق ازياداعى پەداگوگيكالىق جوعارى وقۋ ورىندارىنىڭ كوشباسشىسى
اباي ۋنيۆەرسيتەتى QS World University Rankings: Asia-2024 حالىقارالىق رەيتينگىندە 146-ورىنعا يە بولىپ، ازيانىڭ توپ-150 ۇزدىك ۋنيۆەرسيتەتتەرىنىڭ قاتارىنا ەندى.
قازاقستان مەن ورتالىق ازيانىڭ پەداگوگيكالىق جوعارى وقۋ ورىندارى اراسىندا 1ء-شى ورىندى يەلەندى. ەلىمىزدىڭ ۇزدىك ۋنيۆەرسيتەتتەرىنىڭ بەستىگىنە كىرەدى، دەپ حابارلايدى Almaty-akshamy.kz.
بۇل رەيتينگتە ورىن الۋ ۋنيۆەرسيتەتتىڭ اكادەميالىق، عىلىمي-زەرتتەۋ جانە الەۋمەتتىك سالالارداعى جەتىستىكتەرىنىڭ حالىقارالىق دەڭگەيدە مويىندالۋىنىڭ دالەلى بولىپ تابىلادى.
ۋنيۆەرسيتەت قازاقستان مەن ورتالىق ازياداعى پەداگوگيكالىق ماماندىقتار بويىنشا اكادەميالىق شەبەرلىك ورتالىعى رەتىندە كوشباسشىلىقتى ساقتايدى، حالىقارالىق اكادەميالىق قوعامداستىقتا جانە جۇمىس بەرۋشىلەر اراسىندا جاقسى بەدەلگە يە، جوعارى جۇمىسقا قابىلەتتىلىك پەن ءبىلىم ساپاسى بولاشاعىن پەداگوگيكالىق قىزمەتپەن بايلانىستىرۋدى ماقسات ەتكەن ازاماتتار ءۇشىن ەڭ جاقسى تاڭداۋ.
پەداگوگيكالىق زەرتتەۋ ۋنيۆەرسيتەتىنە ترانسفورماسيالانۋ بارىسىندا عىلىمي-زەرتتەۋ قىزمەتىنە باسا نازار اۋدارىلۋدا، ۋنيۆەرسيتەت عالىمدارى جوعارى كۆارتيلدى حالىقارالىق جۋرنالداردا جاريالاۋ بەلسەندىلىگىن ارتتىرۋدا، بەدەلدى سالالىق كونفەرەنسيالارعا قاتىسۋدا، سونىمەن قاتار عىلىمي مونوگرافيالاردى شىعارۋدا جانە عىلىمي-زەرتتەۋ بايلانىستارى مەن اۆتورلىق ىنتىماقتاستىعىن ارتتىرۋدا، پەداگوگيكالىق ۇجىمنىڭ دارەجەلىلىگى دە ءوسىپ كەلەدى. اباي اتىنداعى قازۇپۋ-دىڭ عىلىمي-زەرتتەۋ قۇرامداس بولىگىنىڭ مويىندالۋى دا سەپتىگىن تيگىزۋدە.
رەيتينگ اياسىندا ۋنيۆەرسيتەتتىڭ الەۋمەتتىك اسپەكتىدەگى كورسەتكىشتەرى دە باعالانادى، سايكەسىنشە، ۋنيۆەرسيتەتتە جاقسى ستۋدەنتتىك ەكوجۇيە، جاقسى جابدىقتالعان عيماراتتار مەن جاتاقحانالار، مەملەكەتتىك ماسشتابتا دامىعان سپورتتىق جانە ۆولونتەرلىك قوزعالىس، شاحمات جانە باسقا دا شىعارماشىلىق باعىتتار نەگىزىندە قىزىعۋشىلىق كلۋبتارى بەلسەندى جۇمىس ىستەيدى.
QS رەيتينگى كورسەتكىشتەرىنىڭ وڭ ديناميكاسى ەل دەڭگەيىندە دە، ازيالىق ءبىلىم بەرۋ يەرارحياسىندا دا پەداگوگيكالىق مامانداندىرۋدى ەسكەرە وتىرىپ، ۋنيۆەرسيتەتتىڭ الداعى ءوسۋ الەۋەتىن كورسەتەدى.