ەڭ العاشقى جيناعىنىڭ ءبىر داناسى.
پاۆلودار وبلىسىندا اباي قۇنانباي ۇلىنىڭ العاش جارىق كورگەن كىتابى تابىلدى. بۇقار جىراۋ اتىنداعى وبلىستىق ادەبيەت جانە ونەر مۋزەيىندە كىتاپتىڭ تانىستىرىلىمى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
سيرەك كەزدەسەتىن باسىلىمدى ەرتىس اۋدانىنداعى ارداگەر ۇستاز نۇربولات ءابۋتالىپوۆ مۋزەيگە سىيعا تارتتى. ول بۇل كىتاپتى اتاسىنان الىپ، وسى كۇنگە دەيىن ساقتاپ كەلگەن.
«بۇل كىتاپ — اباي قۇنانباي ۇلىنىڭ 1909 جىلى سانكت-پەتەربۋرگ قالاسىندا باسىلىپ شىققان ەڭ العاشقى جيناعىنىڭ ءبىر داناسى. كىتاپ حاكىم ءوزى دۇنيەدەن وتكەننەن سوڭ 5 جىلدان كەيىن جارىق كورگەن»، — دەدى مۋزەي ديرەكتورى ەربول قايىروۆ.
شارا بارىسىندا ابايتانۋشى دانيال اسەنوۆ اقىننىڭ ولەڭدەرىن وقىدى جانە اباي اندەرى شىرقالدى.
اتالعان كىتاپ ەندى مۋزەي قورىندا ساقتالادى.