اباي وقۋلارىنىڭ جەڭىمپازدارى ماراپاتتالدى

قازاقتىڭ باس اقىنى -  اباي قۇنانباي ۇلىنىڭ تۋعان كۇنى قارساڭىندا وتكەن XXIV رەسپۋبليكالىق اباي وقۋلارى ءوتتى.

كوكەمسوز وقۋشىلاردىڭ سايىس قورىتىندىسى بويىنشا وقۋ-اعارتۋ مينيسترلىگىنىڭ ديپلومدارىمەن 56 وقۋشى ماراپاتتالدى، دەپ حابارلايدى Almaty-akshamy.kz.

ونىڭ ىشىندە ءبىرىنشى دارەجەلى ديپلوممەن 13 قاتىسۋشى ماراپاتتالسا، 19 قاتىسۋشى ەكىنشى دارەجەلى ديپلومعا يە بولدى. ءۇشىنشى دارەجەلى ديپلومدى 24 قاتىسۋشى ەنشىلەدى.

سونىمەن قاتار، قازىلار القاسى ۇزدىك كوماندالاردى انىقتادى. باس جۇلدەنى شىعىس قازاقستان وبلىسى جەڭىپ السا، ءبىرىنشى ورىندى اباي وبلىسىنىڭ، ەكىنشى ورىندى قاراعاندى وبلىسىنىڭ كوماندالارى ءوزارا ءبولىستى. ءۇشىنشى ورىن اقمولا، اقتوبە، جامبىل، پاۆلودار وبلىستارىنان كەلگەن كوماندالار يەلەندى.

ححIV رەسپۋبليكالىق اباي وقۋلارى وقۋ-اعارتۋ مينيسترلىگىنىڭ قولداۋىمەن اباي وبلىسىنىڭ «اباي جانە شاكارىم» مەموريالدىق كەشەنىندە ءوتتى. بايقاۋعا رەسپۋبليكا بويىنشا 23 كوماندا، 130-دان استام جاس ابايتانۋشىلار قاتىستى. اباي وقۋلارىنا قاتىسقان جاس تالانتتار 6 نوميناسيا بويىنشا ءوز باقتارىن سىنادى.