اباي داڭعىلىنداعى جول جۇمىستارى بەكىتىلگەن كەستەگە سايكەس جۇرگىزىلۋدە.
قازىرگى ۋاقىتتا باتىس باعىتتا دوستىق داڭعىلىنان اۋەزوۆ كوشەسىنە دەيىنگى جانە شىعىس باعىتتا تىلەندييەۆ كوشەسىنەن ناۋرىزباي باتىر كوشەسىنە دەيىنگى اۋماقتاردا جوندەۋ جۇمىستارى تولىق اياقتالىپ، كولىك قوزعالىسى تولىقتاي قالپىنا كەلتىرىلدى، دەپ حابارلايدى Almaty-akshamy.kz.
3 تامىز ساع.23:00-دەن 5 تامىز ساع.06:00-گە دەيىن داڭعىلدىڭ اۋەزوۆ كوشەسىنەن روزىباكييەۆ كوشەسىنە دەيىنگى بولىگىنىڭ سولتۇستىك بەتىندە پوليمەرلى اسفالتبەتون جابىنىن توسەۋ جۇمىستارىنا بايلانىستى كولىك قوزعالىسى تولىق شەكتەلەدى.
جابىق جەرلەردى اۋەزوۆ، شيەۆچەنكو، ساتبايەۆ، جاروكوۆ، گاگارين، روزىباكييەۆ كوشەلەرى ارقىلى اينالىپ وتۋگە بولادى. داڭعىلدى اۋەزوۆ، گاگارين، روزىباكييەۆ كوشەلەرى ارقىلى كەسىپ وتەتىن جول اشىق بولادى.
كلوچكوۆ جانە رادوستوۆەس كوشەلەرىنەن اباي داڭعىلىنا وڭتۇستىك باعىتتا بۇرىلاتىن جولدا 3 تامىز ساع.23:00-دەن 5 تامىز 06:00-گە دەيىن قوزعالىس شەكتەلەدى.
جول-كولىك وقيعاسىنىڭ الدىن الۋ جانە جول قوزعالىسىن ۇيىمداستىرۋ ءۇشىن جوعارىدا اتالعان كوشە ۋچاسكەسىندە 3 پاترۋلدىك پوليسيا ەكيپاجى جۇمىلدىرىلادى.
جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ (@qmb_almaty) رەسمي پاراقشالارىندا، سونىمەن بىرگە، 2گيس قوسىمشاسىندا قولجەتىمدى بولادى.
ەستەرىڭىزگە سالايىق، الماتىدا العاش رەت پوليمەرلەردى پايدالانىپ، اسفالت توسەۋ جۇمىستارى جۇرگىزىلىپ جاتىر. مۇنداي قوسپالار توزۋعا ءتوزىمدى، جۇمسارتۋ تەمپەراتۋراسى جوعارى (65-70°C)، سوندىقتان ىستىققا توتەپ بەرىپ، الدەقايدا ۇزاعىراق قىزمەت ەتەدى – 8-10 جىل پايدالانۋعا بولادى.
جول جوندەۋ 2023 جىلعا جوسپارلانعان جۇمىستار اياسىندا قولعا الىنعان. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارىنىڭ بىزگە ۇزاعىراق قىزمەت ەتۋى ءۇشىن قاجەتتى شارا. جول ءجۇرۋ باعىتتارىڭىزدى الدىن الا جوسپارلاپ الۋلارىڭىزدى سۇرايمىز.
جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ (@qmb_almaty) رەسمي پاراقشالارىندا، https://t.me/AlmatyJoly Telegram-كانالىندا، سونداي-اق 2گيس قوسىمشاسىندا قولجەتىمدى.