قازاقتىڭ ۇلى تۇلعالارىنىڭ اسقاق مۇسىندەرىن جاساپ جۇرگەن قىرعىز ءمۇسىنشىسى تاميلا ماماتوۆا «دوستىق» وردەنىمەن ماراپاتتالدى.
ماراپاتتاۋ تۋرالى جارلىققا قاسىم-جومارت توقايەۆ قول قويدى. ءمۇسىنشىنىڭ قوس حالىق اراسىندا بەيبىتشىلىك، دوستىق پەن ىنتىماقتاستىقتى نىعايتۋعا قوسقان ۇلەسى باعالاندى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ەسكە سالساق، تاميلا ماماتوۆا ۇلى ابايدىڭ ءبيۋستىن جاساپ، كوكشەتاۋ كوللەدجىنە تارتۋ ەتكەننەن كەيىن قازاقستاندا تانىمال بولدى. ءمۇسىنشىنىڭ كەلەسى جۇمىسى - مۇحتار اۋەزوۆتىڭ ءمۇسىنى. بۇل تۋىندى شولپون-اتا قالاسىندا قازاق جازۋشىسىنىڭ مۇراجايىندا قويىلادى.
"بۇل وردەن ماعان ۇلكەن شابىت سىيلايدى. اباي قۇنانبايەۆتىڭ ءمۇسىنى ءوزىم ەلەستەتكەندەي شىقتى. تەك كەيىنىرەك شىڭعىس ايتماتوۆ پەن ءتاتتىبۇبى تۇرسىنبايەۆانىڭ ءبيۋستىن جاساپ، ادەبي توپتامانى جالعاستىردىم دەسەم دە بولادى. اباي مەن اۋەزوۆ - قازاقتىڭ ۇلى تۇلعالارى"، - دەيدى ءمۇسىنشى تاميلا ماماتوۆا.