الماتى پروكۋراتۋراسى اباي اتىنداعى قازۇپۋ-عا وقۋ كورپۋستارى مەن ستاديوندى قايتاردى. مەدەۋ اۋدانىنىڭ پروكۋراتۋراسى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ مۇلكىن زاڭسىز ساتۋ دەرەكتەرىن انىقتادى، دەپ حابارلايدى aqshamnews.kz.
“سپورتتى بىرلەسىپ دامىتامىز دەگەن كوزبوياۋشىلىقپەن گوركيي اتىنداعى ورتالىق مادەنيەت جانە دەمالىس ساياباعىندا ورنالاسقان الاڭى 5 گەكتاردان اساتىن سپورت ستاديونى 10 جىلعا ءۇشىنشى تۇلعالارعا بەرىلگەن. 5 جىل بويى فۋتبول الاڭى كوممەرسيالىق ماقساتتا پايدالانىلعان، ال 16 مىڭ ستۋدەنتتىڭ دەنە شىنىقتىرۋمەن تولىق اينالىسۋعا جانە سپورتتىق ءىس-شارالار وتكىزۋگە مۇمكىندىگى بولماعان"، - دەپ جازىلعان حابارلامادا.
مەدەۋ اۋدانى پروكۋراتۋراسىنىڭ قاداعالاۋ اكتىلەرى بويىنشا زاڭدى كۇشىنە ەنگەن سوت شەشىمدەرىمەن مۇلىك ۇلتتىق ۋنيۆەرسيتەتكە قايتارىلدى.