جان باسىنا شاققانداعى نورماتيۆ ەنگىزۋ كوزدەلىپ وتىر.
الداعى جىلدارى اتاۋلى الەۋمەتتىك كومەك تاعايىنداۋ ءۇشىن كەدەيلىك شەگى ەڭ تومەنگى كۇنكورىس دەڭگەيىنىڭ ورنىنا مەدياندىق تابىس دەڭگەيى ارقىلى انىقتالادى. بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
«تاعى ءبىر ماڭىزدى وزگەرىس – 2025 جىلدان باستاپ اتاۋلى الەۋمەتتىك كومەك تاعايىنداۋ ءۇشىن كەدەيلىك شەگى ەڭ تومەنگى كۇنكورىس دەڭگەيىنىڭ ورنىنا مەدياندىق تابىس دەڭگەيى ارقىلى انىقتالادى»، – دەپ قوستى تامارا دۇيسەنوۆا.
سونىمەن قاتار، الەۋمەتتىك قىزمەت كورسەتۋ جۇيەسىن ترانسفوماسيالاۋ، ونىڭ باستى ماقساتى مۇگەدەكتىگى بار ادامدار ءۇشىن، اسىرەسە، اۋىلدىق جەرلەردە ارناۋلى الەۋمەتتىك قىزمەتتەردىڭ قولجەتىمدىلىگىن ارتتىرۋ بولىپ تابىلادى.
«جان باسىنا شاققانداعى نورماتيۆ ەنگىزۋ كوزدەلىپ وتىر. قىزمەتتەر ءۇشىن جەكە نورماتيۆتەر، ال كومپەنساتورلىق تەحنيكالىق قۇرالدار ءۇشىن شەكتى باعالار بولادى. بۇل وزگەرىستەر، ءبىر جاعىنان، كەيبىر قىزمەت تۇرلەرىن نەمەسە تاۋارلاردى ودان ءارى مونەتيزاسيالاۋعا اكەلەدى، ەكىنشى جاعىنان، ارنايى الەۋمەتتىك قىزمەتتەردى ۇسىنۋعا جەكە سەكتوردى كەڭىنەن تارتۋ سالانىڭ ينفراقۇرىلىمىن اۋىلدىق جەرلەرگە جەتكىزۋگە مۇمكىندىك بەرەدى»، – دەدى مينيستر.