جىل باسىنان بەرى ۇلتتىق ۇلان جاۋىنگەرلەرى قۇقىق بۇزۋشىلارعا قارسى كۇرەستە ەرەكشە ناتيجەگە قول جەتكىزدى. زاڭسىز اينالىمداعى 82 بىرلىك سۋىق قارۋ، اتىس قارۋى جانە ەسىرتكى زاتتارى تاركىلەندى، 15 اداسقان بالا جاقىندارىنا تابىستالدى، جانە 11 ءورت ءسوندىرۋ مەن ادامداردى قۇتقارۋ فاكتىسى تىركەلدى، دەپ حابارلايدى Aqshamnews.kz
اسكەري قىزمەتشىلەردىڭ شەبەرلىگى ارقاسىندا 45 جوعالعان زات تابىلىپ، 91 سمارتفون يەلەرىنە قايتارىلدى. سونداي-اق، جۇرەك تالماسى مەن دەمىكپەسى بار ازاماتتارعا، جول-كولىك اپاتى جانە وزىنە-وزى قول جۇمساۋ فاكتىسى بولعاندارعا دەر كەزىندە العاشقى مەديسينالىق كومەك كورسەتىلدى. ءۇش اي ىشىندە ۇلتتىق ۇلان اسكەري قىزمەتشىلەرى 21 ادامعا العاشقى مەديسينالىق كومەك جاساپ، 4 938 قۇقىق بۇزۋشى ىشكى ىستەر ورگاندارىنا جەتكىزىلدى.
ىشكى ىستەر ءمينيسترىنىڭ ورىنباسارى اڭساعان بالتابەكوۆ ساراپتاۋ قورىتىندىلارى بويىنشا ءبىرقاتار قىزمەتشىلەردى ماراپاتتاپ، ولاردىڭ قوعامدىق ءتارتىپ پەن بەيبىتشىلىككە قوسقان ۇلەسىن اتاپ ءوتتى. بۇعان دەيىنگى قىزمەت بارىسىندا استانادا ءورت قاۋىپىنەن 60-تان استام ادام ەۆاكۋاسيالانىپ، ءقاۋىپسىز ايماققا شىعارىلعانى دا ماڭىزدى وقيعا بولىپ سانالادى.
ۇلتتىق ۇلان جاۋىنگەرلەرى قۇقىق بۇزۋشىلىقپەن كۇرەستە كورسەتكەن قاجىرلى ەڭبەكتەرىنىڭ ناتيجەسىندە ەلدەگى ىشكى تۇراقتىلىق پەن قاۋىپسىزدىك ساقتالۋدا. ولار باتىر قىزمەتتەرىمەن ەلىمىزدىڭ قاۋىپسىزدىگى مەن قوعامدىق تارتىپكە ەلەۋلى ۇلەس قوسۋدا.