9 قاڭتاردا ەلىمىزدىڭ 9 وبلىسىندا دابىلدى ەسكەرتۋ جاريالاندى، دەپ حابارلادى «قازگيدرومەت» رمك.
قاراعاندى وبلىسىنىڭ وڭتۇستىك جارتىسىندا بۇرقاسىن، كوكتايعاق بولادى.
تۇندە ماڭعىستاۋ وبلىسىنىڭ سولتۇستىگىندە، كۇندىز باتىستا، سولتۇستىكتە، وبلىس ورتالىعىندا كوكتايعاق بولادى. وڭتۇستىگىندە، باتىسىندا جانە وبلىس ورتالىعىندا تۇمان بولادى.
سولتۇستىك قازاقستان وبلىسىندا تۇندە باتىستان سوعاتىن جەلدىڭ ەكپىنى 15-20، 23-28 م/س، كۇندىز 15-20 م/س بولادى. پەتروپاۆلدا تۇندە باتىستان سوعاتىن جەلدىڭ كۇشى 15-20 م/س بولادى.
تۇندە ۇلىتاۋ وبلىسىنىڭ سولتۇستىگى مەن شىعىسىندا بۇرقاسىن بولادى. جەل باتىستان سوعادى، وبلىستىڭ سولتۇستىگىندە شىعىستان سوعادى، ەكپىنى 15-20 م/س. جەزقازعاندا كۇندىز قارلى بوران سوعادى.
تۇندە اقمولا وبلىسىنىڭ سولتۇستىگى مەن شىعىسىندا بۇرقاسىن بولادى. باتىستان جەل سوعادى، تۇندە وبلىستىڭ سولتۇستىگى مەن شىعىسىنداعى جەل وڭتۇستىك-شىعىسقا اۋىسادى، ەكپىنى 15-20 م/س بولادى. كوكشەتاۋدا تۇندە باتىستان سوعاتىن جەلدىڭ ەكپىنى 15-20 م/س.
كۇندىز اقتوبە وبلىسىنىڭ ورتالىعىندا بۇرقاسىن بولادى. وبلىس ورتالىعىندا سولتۇستىكتەن وڭتۇستىك-شىعىستان سوعاتىن جەلدىڭ ەكپىنى 15 م/س بولادى.
پاۆلودار وبلىسىنىڭ سولتۇستىك جارتىسىندا بۇرقاسىن، تۇمان بولادى دەپ بولجاندى. باتىستان سوعاتىن جەلدىڭ كۇشى 15-20، تۇندە ەكپىنى 23-28 م/س. پاۆلوداردا تۇندە بۇرقاسىن بولادى. باتىستان سوعاتىن جەلدىڭ كۇشى 15-20، تۇندە ەكپىنى 23 م/س.
قوستاناي وبلىسىنىڭ باتىسىندا، شىعىسىندا جانە وڭتۇستىگىندە بۇرقاسىن بولادى. وبلىستىڭ باتىسى مەن شىعىسىندا تۇمان تۇسەدى. كۇندىز وڭتۇستىك-شىعىستان، وڭتۇستىكتەن جەل سوعادى، ەكپىنى 15-20 م/س.
تۇركىستان وبلىسىنىڭ سولتۇستىگىندە تۇندە كوكتايعاق بولادى. تۇندە جانە تاڭەرتەڭ وبلىستىڭ تاۋلى ايماقتارىندا، باتىسىندا تۇمان تۇسەدى. وڭتۇستىك-شىعىستان جەل سوعادى. كۇندىز سولتۇستىكتە، باتىستا، وبلىستىڭ تاۋلى ايماقتارىندا جەل 15-20 م/س جىلدامدىقپەن وڭتۇستىك-باتىسقا اۋىسادى.