وڭتۇستىك-شىعىستىڭ تاۋلى ايماقتارىندا قالىڭ قار جاۋادى
سينوپتيكتەر 9 جەلتوقسانعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
"قازگيدرومەت" رمك مالىمەتى بويىنشا، رەسپۋبليكانىڭ سولتۇستىگىندە، شىعىسىندا، وڭتۇستىگىندە جانە وڭتۇستىك-شىعىسىندا اتموسفەرالىق فرونتالدى بولىكتەردىڭ اسەرىنەن قار جاۋادى. تۇندە وڭتۇستىك-شىعىستىڭ تاۋلى ايماقتارىندا قالىڭ قار جاۋادى.
ەلدىڭ قالعان بولىگى جاۋىن-شاشىنسىز، اۋقىمدى انتيسيكلوننىڭ ىقپالىندا بولادى.
وڭتۇستىكتە، وڭتۇستىك-شىعىستا، شىعىستا جەل كۇشەيەدى. سولتۇستىكتە، شىعىستا، وڭتۇستىكتە، وڭتۇستىك-شىعىستا تومەن قارلى بوران بولجاندى. ال ەلىمىزدىڭ سولتۇستىك-باتىسىندا، وڭتۇستىگىندە، وڭتۇستىك-شىعىسىندا تۇمان باسادى.
جامبىل وبلىسىنىڭ تاۋلى ايماقتارىندا تۇندە قالىڭ قار جاۋادى.