الەۋمەتتىك جەلىدە يراكتاعى 9 جاستاعى قىز بەن 35 جاستاعى ەر ادامنىڭ ۇيلەنۋ تويىنىڭ بەينەسى تارادى، دەپ حابارلايدى aqshamnews.kz
دەرەككوز مالىمەتىنشە، بۇل توي – يراكتا ەرتە نەكەلەسۋگە بەرىلگەن رۇقساتتان كەيىن وتكەن العاشقى ۇيلەنۋ ءراسىمى. 35 جاستاعى ەر ادام ۇيلەنۋ تويىن ەل پارلامەنتى نەكە جاسىن 18-دەن 9 جاسقا دەيىن تومەندەتۋدى ماقۇلداعاننان كەيىن ۇيىمداستىرعان.
ەسكە سالساق، بۇعان دەيىن The Guardian باسىلىمى 2024 جىلى يراكتا نەكە جاسىن تومەندەتۋ تۋرالى زاڭ ۇسىنىلعانىن جازعان ەدى. زاڭ جوباسىن جاقتاۋشىلار بۇل تاجىريبەنى يسلامدىق داستۇرلەرمەن سايكەستەندىرىپ، ونى زاڭداستىرۋ قاجەت ەكەنىن العا تارتىپ وتىر.
بىلتىر يراكتىڭ باسقارۋ كەڭەسى جەكە ستاتۋس تۋرالى زاڭدى قايتا قاراۋدى ۇسىنعان بولاتىن. جاڭا تۇزەتۋلەر 1959 جىلعى زاڭدى، ياعني نەكە جاسىن 18 جاس دەپ بەلگىلەگەن زاڭدى جويۋدى كوزدەگەن.