بيىلعى جىلدان باستاپ قازاقستاندا ازاماتتاردى مەملەكەتتىك تۇرعىن ءۇي كومەگىمەن قامتۋ كولەمى ۇلعايادى. ۇكىمەت قاۋلىسىمەن ءتيىستى ەرەجەلەرگە وزگەرىستەر ەنگىزىلدى، دەپ حابارلايدى Almaty-akshamy.kz.
ق ر ق ر ونەركاسىپ جانە قۇرىلىس مينيسترلىگى باسپا ءسوز قىزمەتىنىڭ مالىمەتىنشە، تۇرعىن ءۇي كومەگى از قامتىلعان وتباسىلارعا نەمەسە ازاماتتارعا كوممۋنالدىق قىزمەتتەرگە (جىلۋ، ەلەكتر جانە سۋمەن جابدىقتاۋ، بايلانىس، ليفتىلەردى ۇستاۋ جانە ت.ب.) شىعىستاردى وتەۋ ءۇشىن توقسان سايىن تولەنەدى. باستى شارت – الۋشىنىڭ مەنشىگىندە ق ر اۋماعىندا ءبىر عانا تۇرعىن ءۇي بولۋى نە مەملەكەتتىك تۇرعىن ءۇي قورىنان نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇيدى جالداۋشى (تەڭ جالعا الۋشى) بولۋى ءتيىس.
وزگەرىستەرگە سايكەس، ەگەر كوممۋنالدىق شىعىنداردىڭ دەڭگەيى وتباسىنىڭ نەمەسە ازاماتتىڭ ورتاشا ايلىق جيىنتىق تابىسىنىڭ 10% - نان اسسا، تۇرعىن ءۇي كومەگى تولەنەدى. بۇرىن بۇل كورسەتكىش ءار ايماقتا ءارتۇرلى مولشەردە، ياعني 2%-دان 20% - عا دەيىن بولعان. بۇل رەتتە اكىمدىكتەر ءالى دە رۇقسات ەتىلگەن شەكتى دەڭگەيدى 10% - دان تومەن تومەندەتۋگە قۇقىلى.
مىسالى، ەگەر وتباسىنىڭ نەمەسە ازاماتتىڭ ورتاشا ايلىق جيىنتىق تابىسى 100 مىڭ تەڭگەنى، ال كوممۋنالدىق قىزمەتتەرگە جۇمسالاتىن شىعىستار – 15 مىڭ تەڭگەنى (تابىستىڭ 10% - دان استامىن) قۇراسا، وندا تۇرعىن ءۇي كومەگىن الۋشىنىڭ جەرگىلىكتى بيۋدجەت قاراجاتى ەسەبىنەن ايىرمانى وتەۋگە قۇقىعى بار.
وسىلايشا، قابىلدانعان نورما تۇرعىن ءۇي كومەگىن الۋشىلاردى قامتۋدى كەڭەيتۋگە جانە از قامتىلعان ازاماتتارعا قارجىلىق جۇكتەمەنى ازايتۋعا مۇمكىندىك بەرەدى.
سوڭعى 4 جىلدا اكىمدىكتەردىڭ دەرەكتەرى بويىنشا تۇرعىن ءۇي كومەگى جالپى سوماسى 5 ملرد. تەڭگەگە 174 مىڭنان استام ابونەنتكە تولەندى (2019 جىلى 1،6 ملرد. تەڭگە سوماسىنا 54 431 ابونەنت؛ 2020 جىلى 1،06 ملرد. تەڭگە سوماسىنا 36 714 ابونەنت؛ 2021 جىلى 1.15 ملرد. تەڭگە سوماسىنا 29 626 ابونەنت؛ 2022 جىلى 53،5 مىڭ ابونەنت. ابونەنتتەر سوماسى 1،18 ملرد. تەڭگە).
اكىمدىكتەردىڭ دەرەكتەرى بويىنشا 2023 جىلعى 3 توقساننىڭ قورىتىندىسى بويىنشا 834،7 ملن.تەڭگە سوماسىنا 38،8 مىڭ وتباسىنا تۇرعىن ءۇي كومەگى كورسەتىلدى (1 616 ملن. تەڭگە شىعىن كەزىندە)، مۇقتاج ازاماتتار ءۇشىن كوممۋنالدىق قىزمەتتەرگە جۇمسالعان شىعىنداردى وتەۋ ۇلەسى رەسپۋبليكا بويىنشا ورتاشا ەسەپپەن 51،6 % - قۇرادى.