سۋ رەسۋرستارى جانە يرريگاسيا مينيسترلىگى 6 وبلىس اكىمدىگىمەن بىرلەسىپ ەلدى مەكەندەردى كوكتەمگى سۋ تاسقىنىنان قورعاۋ ماقساتىندا 56 جوبانى ىسكە اسىرىپ جاتىر.
اقمولا، اقتوبە، باتىس قازاقستان، پاۆلودار، سولتۇستىك قازاقستان جانە قوستاناي وبلىستارىندا 580 مىڭ تۇرعىنى بار 84 ەلدى مەكەننىڭ قاۋىپسىزدىگىن قامتاماسىز ەتۋ جوسپارلانىپ وتىر، دەپ حابارلايدى aqshamnews.kz.
جوبالار اياسىندا جالپى ۇزىندىعى 310 شاقىرىم بوگەت سالۋ قاراستىرىلعان. بۇگىنگى تاڭدا بۇل جۇمىستاردىڭ شامامەن 40%-ى ورىندالدى.
«وسىعان دەيىن مينيسترلىكتىڭ باسسەيندىك ينسپەكسيالارى تجم جانە اكىمدىكتەرمەن بىرلەسىپ ەلىمىز بويىنشا 1502 گيدروتەحنيكالىق قۇرىلىسقا زەرتتەۋ جۇرگىزدى. تەكسەرىس قورىتىندىسى بويىنشا گيدروتەحنيكالىق قۇرىلىستاردىڭ يەلەرىنە انىقتالعان كەمشىلىكتەردى جويۋ بويىنشا ۇسىنىستار بەرىلدى. كوكتەمگى سۋ تاسقىنىن قابىلداۋ ءۇشىن بوس سىيىمدىلىقتاردى قامتاماسىز ەتۋ ماقساتىندا ەلىمىزدىڭ سولتۇستىگى، باتىس، شىعىس جانە ورتالىق ايماقتارىنداعى سۋ قويمالارىنان سۋ جىبەرۋ جۇمىسى جالعاسۋدا»، – دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.