قاڭتار وقيعاسى كەزىندە تارتىپسىزدىككە قاتىسقاندار الماتىدا جانە باسقا دا ءىرى قالالاردا قىلمىستى جاسىرۋ ءۇشىن 800-دەن استام بەينەكامەرانى قيراتتى.
بۇل تۋرالى پارلامەنت ءماجىلىسىنىڭ جالپى وتىرىسىندا ق ر باس پروكۋرورى بەرىك اسىلوۆ ءمالىم ەتتى، دەپ حابارلايدى Almaty-akshamy.kz Almaty.tv-عا سىلتەمە جاساپ.
«الماتىدا جانە باسقا دا ءىرى قالالاردا قىلمىستى جاسىرۋ ءۇشىن 800-دەن استام بەينەكامەرانى قيراتقان. باسىپ الىنعان قارۋدى، ازىق-تۇلىكتى جانە اۋىز سۋدى، جەتكىزۋ ۇيىمداستىرىلعان. تاكسي، جۇك كولىكتەرى مەن اۆتوبۋستاردىڭ جۇرگىزۋشىلەرىن كوشەنى جاۋىپ تاستاۋعا ماجبۇرلەدى. سونىمەن قاتار بەيبىت ازاماتتاردى «ءتىرى قالقان» رەتىندە پايدالانعان»، - دەدى بەرىك اسىلوۆ.