قازاقستان اۋماعىندا الداعى تاۋلىكتە اۋا رايى قۇبىلمالى بولادى، دەپ حابارلايدى Aqshamnews.kz ءتىلشىسى.
«قازگيدرومەت» سينوپتيكتەرىنىڭ بولجامىنشا، انتيسيكلوننىڭ ىقپالىمەن ەلدىڭ باسىم بولىگىندە جاۋىن-شاشىنسىز اۋا رايى ساقتالادى. دەگەنمەن، كەي وڭىرلەردە قىستىڭ ىزعارى كۇشەيىپ، قولايسىز مەتەوجاعدايلار ورىن الۋى مۇمكىن.
كوپ ايماقتا جاۋىن-شاشىنسىز كۇن رايى كۇتىلەدى
2026 جىلدىڭ 8 قاڭتارىندا، بەيسەنبى كۇنى رەسپۋبليكانىڭ ەداۋىر بولىگىندە اسپان اشىق بولىپ، تىمىق اۋا رايى ورنايدى. انتيسيكلون اسەرىنەن ايتارلىقتاي جاۋىن-شاشىن بولجانبايدى. الايدا اۋا تەمپەراتۋراسى تومەن دەڭگەيدە ساقتالادى.
كەي وڭىرلەردە بوران مەن كوكتايعاق بولادى
اتموسفەرالىق فرونتتاردىڭ وتۋىنە بايلانىستى ەلىمىزدىڭ سولتۇستىك-باتىس جانە شىعىس ايماقتارىندا قار جاۋىپ، جاياۋ بوران سوعۋى ىقتيمال. سونىمەن قاتار باتىس، سولتۇستىك-باتىس جانە وڭتۇستىك-شىعىس وڭىرلەردە جولداردا كوكتايعاق ءتۇسۋى مۇمكىن.
سينوپتيكتەردىڭ مالىمەتىنشە، رەسپۋبليكانىڭ كوپ بولىگىندە، اسىرەسە تۇنگى جانە تاڭعى ۋاقىتتاردا قالىڭ تۇمان كۇتىلەدى.
جۇرگىزۋشىلەرگە ەسكەرتۋ
كورىنۋ قاشىقتىعىنىڭ تومەندەۋى مەن جەلدىڭ كۇشەيۋىنە بايلانىستى ماماندار جۇرگىزۋشىلەرگە جولدا بارىنشا ساق بولۋعا كەڭەس بەرەدى. كوكتايعاق بولجانعان ايماقتاردا جىلدامدىقتى تومەندەتىپ، كولىك اراقاشىقتىعىن ساقتاۋ ماڭىزدى.