بۇگىن ءبىرقاتار وڭىردە قاتتى ىستىق بولادى
سارسەنبى كۇنى 5 وڭىردە قاتتى ىستىق بولادى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
8 ماۋسىمدا قازاقستاننىڭ وڭتۇستىك-باتىسى، سولتۇستىك-باتىسى، سولتۇستىگى، ورتالىعى جانە وڭتۇستىك-شىعىسى سيكلون جانە ونىمەن بايلانىستى اتموسفەرالىق فرونتتاردىڭ ىقپالىندا بولادى. ونىمەن نايزاعاي، جاڭبىر، بۇرشاق، داۋىل كۇتىلەدى، - دەلىنگەن «قازگيدرومەت» حابارلاماسىندا.
ەلىمىزدىڭ قالعان اۋماعىندا اۋا رايى جاۋىن-شاشىنسىز بولادى. رەسپۋبليكا بويىنشا جەل كۇشەيىپ، وڭتۇستىك-باتىستا، سولتۇستىكتە شاڭدى داۋىل تۇرادى.
اتاپ ايتقاندا، قوستاناي وبلىسىنىڭ سولتۇستىگىندە، باتىسىندا نايزاعاي، بۇرشاق، داۋىل كۇتىلەدى. تۇندە ءوڭىردىڭ سولتۇستىگىندە، باتىسىندا، كۇندىز باسىم بولىگىندە جەل 25 م/س كۇشەيەدى.
سولتۇستىك قازاقستان وبلىسىنىڭ سولتۇستىگىندە، باتىسىندا، شىعىسىندا نايزاعاي، داۋىل، بۇرشاق بولجانادى. ءوڭىردىڭ سولتۇستىگىندە، شىعىسىندا جەلدىڭ كۇشى 25 م/س ارتادى.
اقمولا وبلىسىنىڭ سولتۇستىگىندە، باتىسىندا نايزاعاي ويناپ، كۇندىز بۇرشاق، شاڭدى داۋىل كۇتىلەدى. ءوڭىردىڭ سولتۇستىگىندە، باتىسىندا، شىعىسىندا جەل 15-20 م/س كۇشەيەدى.
كۇندىز الماتى وبلىسىنىڭ تاۋلى اۋداندارىندا نايزاعاي بولجانادى. جالاڭاشكول اۋدانىندا جانە وبلىستىڭ تاۋلى اۋداندارىندا جەل 15-20 م/س كۇشەيەدى.
ماڭعىستاۋ وبلىسىنىڭ وڭتۇستىگىندە نايزاعاي ويناپ، شاڭدى داۋىل تۇرادى. تۇندە ءوڭىردىڭ وڭتۇستىگىندە، كۇندىز باتىسىندا، وڭتۇستىگى مەن شىعىسىندا جەلدىڭ جىلدامدىعى 15-20 م/س ارتادى.
كۇندىز جامبىل وبلىسىنىڭ تاۋلى اۋداندارىندا نايزاعاي، بۇرشاق، داۋىل كۇتىلەدى. تۇندە ءوڭىردىڭ سولتۇستىك-شىعىسىندا، تاۋلى اۋداندارىندا جەل 15-20 م/س كۇشەيەدى.
كۇندىز قاراعاندى وبلىسىنىڭ سولتۇستىگىندە، باتىسىندا نايزاعاي ويناپ، باتىستا، سولتۇستىك پەن شىعىستا جەلدىڭ كۇشى 15-20 م/س ارتادى.
كۇندىز قىزىلوردا وبلىسىنىڭ ورتالىعىندا شاڭدى داۋىل تۇرادى. ءوڭىردىڭ ورتالىعىندا، وڭتۇستىگىندە جەل 15-20 م/س كۇشەيەدى.
اقتوبە وبلىسىنىڭ سولتۇستىگىندە، شىعىسىندا، كۇندىز باتىس قازاقستان وبلىسىنىڭ سولتۇستىك جارتىسىندا، شىعىسىندا، پاۆلودار وبلىسىنىڭ سولتۇستىگى مەن ورتالىعىندا جەلدىڭ جىلدامدىعى 15-20 م/س جەتەدى.
سونداي-اق كۇندىز الماتى، قىزىلوردا، جامبىل وبلىستارى، تۇركىستان وبلىسىنىڭ باتىسىندا، سولتۇستىگىندە، قاراعاندى وبلىسىنىڭ وڭتۇستىگىندە قاتتى ىستىق كۇتىلەدى.
قىزىلوردا وبلىسىنىڭ ورتالىعىندا، قاراعاندى وبلىسىنىڭ باتىسىندا، شىعىسىندا، الماتى وبلىسىنىڭ باتىسىندا، قوستاناي وبلىسىنىڭ وڭتۇستىگىندە، اقتوبە وبلىسىنىڭ شىعىسىندا توتەنشە ءورت ءقاۋپى بولدانادى.