بۇل وزگەرىستەر ىشكى ىستەر ءمينيسترىنىڭ جاڭا بۇيرىعى اياسىندا ەنگىزىلگەن جانە شەتەلدىكتەردىڭ قازاقستاندا زاڭدى تۇردە تۇرۋىن رەتتەۋگە باعىتتالعان، دەپ حابارلايدى aqshamnews.kz
ەندى شەتەلدىكتەر قازاقستاندا ۋاقىتشا تۇرۋعا رۇقسات الۋ ءۇشىن بىرنەشە قۇجاتتى ۇسىنۋى قاجەت. قۇجاتتار ءتىزىمى كەلەسى تالاپتاردى قامتيدى:
- ءوتىنىش فورماسى — ارنايى تۇردە تولتىرىلۋى ءتيىس.
- جەكە باسىن كۋالاندىراتىن قۇجاتتىڭ كوشىرمەسى — ءتۇپنۇسقاسى سالىستىرۋ ءۇشىن ۇسىنىلادى.
- مەديسينالىق ساقتاندىرۋ كوشىرمەسى — تەك شەتەلدىكتەر ءۇشىن قاجەت. ەاەو ەلدەرى ازاماتتارى ءۇشىن بۇل تالاپ مىندەتتى ەمەس.
- تۇرعىن ءۇي يەسىنىڭ نوتاريالدى كۋالاندىرىلعان كەلىسىمى — ەگەر ءوتىنىش بەرۋشى تۇرعىن ءۇي الاڭىنىڭ مەنشىك يەسى بولماسا، وندا ول تۇرعىن ءۇي يەسىنىڭ كەلىسىمىن ۇسىنۋى قاجەت.
- ساۋساق ءىزىن وتكىزگەنى تۋرالى انىقتاما — شەتەلدىك ازاماتتاردىڭ جەكە دەرەكتەرىن تىركەۋ ءۇشىن قاجەت.
بۇل قۇجاتتار ءتىزىمى ءوتىنىش بەرۋشىنىڭ كەلۋ ماقساتىنا بايلانىستى وزگەرۋى مۇمكىن. مىسالى، وتباسىن بىرىكتىرۋ، جۇمىس ىستەۋ، وقۋ نەمەسە ەمدەلۋ سياقتى ماقساتتار بويىنشا كەلەتىندەر ءۇشىن قوسىمشا تالاپتار قويىلادى.
ەندى قازاقستانعا جۇمىس ىستەۋ ءۇشىن كەلگەن ازاماتتار شەتەلدىك جۇمىس كۇشىن تارتۋعا رۇقسات پەن بىلىكتىلىگىن راستايتىن قوسىمشا قۇجاتتاردى ۇسىنۋى كەرەك. وزگەرىستەر تەك جۇمىس ىستەۋ ءۇشىن كەلگەندەرگە عانا ەمەس، سونىمەن قاتار ىسكەرلىك يمميگرانتتارعا، ستۋدەنتتەرگە جانە مەديسينالىق ەمدەلۋگە نەمەسە ميسسيونەرلىك ماقساتتارعا كەلگەندەرگە قاتىستى ەرەجەلەردى دە قامتيدى.
ودان باسقا، ەگەر شەتەلدىك قۇجاتتارى شەت تىلىندە بولسا، ونىڭ نوتاريالدى كۋالاندىرىلعان اۋدارماسى دا ۇسىنىلۋى قاجەت.
2024 جىلدىڭ 1 قاڭتارىنان باستاپ شەتەلدىكتەر مەن ازاماتتىعى جوق ادامدار قازاقستاندا بولۋ قۇجاتىن الۋ ءۇشىن ساۋساق ءىزىن تىركەۋگە مىندەتتى بولادى. بۇل وزگەرىستەر ەلدە شەتەلدىكتەردىڭ قاۋىپسىزدىگىن جانە زاڭسىز ميگراسيانى بولدىرماۋدى ماقسات ەتىپ وتىر.