سولتۇستىكتە قاتتى جاڭبىر كۇتىلەدى.
سارسەنبى كۇنى قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ اسەرىنەن قۇبىلمالى اۋا رايى ساقتالىپ، جاڭبىر بولجانادى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
سولتۇستىك-باتىستا، سولتۇستىكتە قاتتى جاڭبىر كۇتىلەدى. كەي جەرلەردە نايزاعاي، بۇرشاق، داۋىل، ەكپىندى جەل، وڭتۇستىكتە، وڭتۇستىك-باتىستا شاڭدى داۋىل بولادى.
كۇندىز الماتى، جامبىل، تۇركىستان وبلىستارىندا قاتتى ىستىق، كەي جەرلەرىندە وتە قاتتى ىستىق بولادى. ال قىزىلوردا وبلىسىنىڭ باسىم بولىگىندە اپتاپ ىستىق ساكتالادى.
كۇندىز ماڭعىستاۋ، اتىراۋ، شىعىس قازاقستان وبلىستارىندا، قاراعاندى، قوستاناي وبلىستارىنىڭ وڭتۇستىگىندە اپتاپ ىستىق ءالى دە جالعاسادى. سونداي-اق قىزىلوردا، تۇركىستان، ماڭعىستاۋ، اتىراۋ، جامبىل، اقتوبە، قوستاناي وبلىستارىنىڭ باسىم بولىگىندە، قاراعاندى، باتىس قازاقستان، الماتى وبلىستارىنىڭ كەي جەرلەرىندە توتەنشە ءورت ءقاۋپى ساقتالادى.