ال 31 شىلدەگە دەيىن ۆاكسينا العان Satbayev Universityء-نىڭ ستۋدەنتتەرىنە بەرىلەتىن جۇلدەنىڭ ەڭ جوعارعىسى 5 ملن. تەڭگەلىك گرانت بولىپ تۇر.
ساتبايەۆ ۋنيۆەرسيتەتىنىڭ مەديسينالىق ورتالىعىندا №4 جانە 12 ەمحانالاردىڭ دارىگەرلەرى شاقىرىلىپ، ۆاكسينا پۋنكتى ۇيىمداستىرىلدى، دەپ حابارلايدى Almaty-akshamy.kz
ۋنيۆەرسيتەت سوڭعى ەكى اي ىشىندە قىزمەتكەرلەر مەن ستۋدەنتتەردى ۆاكسينالاۋ بويىنشا بەلسەندى جۇمىس جۇرگىزىپ كەلەدى. مۇندا كوروناۆيرۋس ينفەكسياسىنا قارسى QAZVAC، CoronaVac، Hayat-Vax پەن سپۋتنيك V ۆاكسينالارى بار.
بۇگىندە ۋنيۆەرسيتەت قىزمەتكەرلەرىنىڭ 65%-دان استامى جانە ستۋدەنتتەردىڭ 20%-ى كوروناۆيرۋسقا قارسى ەكپە الدى.
ق ر باس سانيتارلىق دارىگەرىنىڭ ەڭبەك ۇجىمدارىنىڭ سovid-19-عا قارسى مىندەتتى ۆاكسيناسى تۋرالى قاۋلىسى شىققاننان كەيىن ۋنيۆەرسيتەت ۆاكسينا العان ستۋدەنتتەر مەن قىزمەتكەرلەردىڭ سانىن ارتتىرۋ بويىنشا جۇمىستى كۇشەيتتى.
1 تامىزعا دەيىن قىزمەتكەرلەردىڭ 100% ۆاكسينا الۋى جوسپارلانۋدا. 1 تامىزدان باستاپ ۋنيۆەرسيتەت اۋماعىنا كىرۋ مەديسينالىق قارسى كورسەتىلىمدەرى بار ۆاكسينادان وتكەن قىزمەتكەرلەر مەن ءبىلىم الۋشىلارعا عانا رۇقسات ەتىلەدى.
سونداي-اق ق ر باس مەملەكەتتىك سانيتارلىق دارىگەرىنىڭ قاۋلىسىنا سايكەس، 2021 جىلدىڭ 10 ماۋسىمىنان باستاپ ساتبايەۆ ۋنيۆەرسيتەتىنىڭ اۋماعىنا Ashyq قوسىمشاسى ارقىلى كىرۋگە بولادى. ۆاكسينا العاندار ءۇشىن قوسىمشا ىنتالاندىرۋ رەتىندە جوو-دا ءبىرقاتار جەڭىلدىكتەر مەن پرەفەرەنسيالار قاراستىرىلعان.
2021 جىلدىڭ 1 مەن 31 شىلدە ارالىعىندا Satbayev Universityء-نىڭ ۆاكسينا العان ستۋدەنتتەرى اراسىندا مىناداي جۇلدەلەر بەرىلەدى:
- جەكە ستارتاپ اشۋعا 5 ملن. تەڭگە گرانت؛
- جوو جاتاقحانالارىندا تۇرۋ ءۇشىن 20 ورىن؛
- ەلدەگى نەمەسە شەتەلدەگى جەتەكشى كومپانيالاردا وندىرىستىك پراكتيكادان وتۋگە جۇمسالعان شىعىندى تولىق وتەۋ قۇقىعى؛
- Qoldau بيزنەسكە ارنالعان سيفرلىق پلاتفورماسىمەن بىرلەسىپ، كاسىپكەرلىك داعدىلاردى دامىتۋ بويىنشا 100 كۋرس.
2021-2022 جىلدارى ۆاكسينا العان ستۋدەنتتەر:
- قايتا كۋرستاردان تەگىن ءوتۋ جانە 3 كرەديتتى قايتا تاپسىرۋ؛
- شىعارماشىلىق، عىلىمي، سپورتتىق ءىس-شارالارعا (مەيكاتوندار، حاكاتوندار، تۋرنيرلەر، كونسەرتتەر جانە ت. ب.) قاتىسۋعا مۇمكىندىك الۋ؛
- اكادەميالىق ۇتقىرلىق شەڭبەرىندە قوسىمشا ءبىلىم الۋ ءۇشىن شەت ەلدەرگە جانە ەلىمىزدىڭ باسقا دا جوعارى وقۋ ورىندارىنا بارۋعا.
ۆاكسيناعا قاتىسقان قىزمەتكەرلەر مەن پوق ءۇشىن 2021 جىلعى 1 شىلدەدەن 31 شىلدەگە دەيىن مىناداي جەڭىلدىكتەر بەرىلەدى:
- پوق مەن قىزمەتكەرلەر ورتاشا جالاقىسىن ساقتاي وتىرىپ، 2 كۇنگە جۇمىستان بوساتىلۋ قۇقىعىنا يە بولادى؛
- 10 قىزمەتكەر 2021 جىلدىڭ سوڭىنا دەيىن جوو جاتاقحانالارىندا تۇرۋعا 50% جەڭىلدىك الادى؛
- 100 قىزمەتكەر 5000 تەڭگە كولەمىندە سىياقى الادى.
ەسكە سالساق، 2021 جىلعى 3 شىلدەدەگى مالىمەت بويىنشا، الماتىدا 480 مىڭنان استام ادام ۆاكسينا الدى.
قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 211 ۆاكسينا پۋنكتى جۇمىس ىستەيدى. 300-دەن استام ەكپە بريگاداسى قىزمەت اتقارادى.